عاصم اظہر کاعمران خان کی ویڈیو میں گانا،گلوکار نے ردعمل دے دیا

(ویب ڈیسک) معروف پاکستانی گلوکار عاصم اظہر نے چیئرمین پاکستان تحریکِ انصاف عمران خان کی جانب سے اپنی پارٹی کی خواتین رہنماؤں اور کارکنوں کی حوصلہ افزائی کے لیے اپنے گانے کے استعمال پر خوشی کا اظہار کیا ہے۔

عمران خان نے مائیکرو بلاگنگ ویب سائٹ ٹوئٹر پر ایک ویڈیو شیئر کی ہے جس کے بیک گراؤنڈ میں ڈرامہ سیریل ’صنفِ آہن‘ کے لیے عاصم اظہر کی آواز میں گائے ہوئے اصل ساؤنڈ ٹریک (او ایس ٹی) کا ایڈیٹِڈ ورژن سنا جا سکتا ہے۔

اس ویڈیو میں 9 مئی کو عمران خان کی گرفتاری کے بعد ہونے والے مظاہروں میں حصّہ لینے والی پی ٹی آئی کی خواتین کارکنوں کے مختلف کلپس دکھائے گئے ہیں۔

What an honour for me to have this song that i wrote & sang with all my heart to be shared by the one & only kaptaan @ImranKhanPTI who dedicates this to all the women who are standing up for ???????? https://t.co/xAPbLBd9l6

— Asim Azhar (@AsimAzharr) May 19, 2023

عاصم اظہر نے عمران خان کے اس ٹوئٹ پر خوشی کا اظہار کرتے ہوئے لکھا کہ میرے لیے یہ اعزاز کی بات ہے کہ جو گانا میں نے اپنے دل سے لکھا اور گایا اسے ہمارے کپتان نے ان خواتین کی حوصلہ افزائی کے لیے شیئر کیا جو پاکستان کے لیے کھڑی ہوئیں۔

مزید پڑھیں:  شادی پر میڈیا کی توجہ کس کی وجہ سے ملی؟ شعیب ملک نے بڑی بات کہہ دی

واضح رہے کہ ڈرامہ سیریل ’صنفِ آہن‘ کو فوج کے میڈیا ونگ انٹر سروسز پبلک ریلیشنز (آئی ایس پی آر) نے نجی پروڈکشن کمپنیوں کے تعاون سے تیار کیا تھا۔ 

اس ڈرامے میں 7 نوجوان خواتین کی زندگیوں کی کہانی دکھائی گئی ہے جن کے مضبوط عزم اور ملک کی خدمت کا جذبہ انہیں پاک فوج میں بھرتی ہونے پر مجبور کرتا ہے۔