پاکستان سے محبت اور رواداری کیلئے فنکاروں کا خصوصی پیغام

 (ویب ڈیسک) پاکستان کے معروف شوبز فنکاروں شان شاہد اور نجم شیراز  کی جانب سے ملک سے محبت اور رواداری کے فروغ پر خصوصی پیغام۔ 

اداکار شان شاہد کا کہنا ہے کہ میرا دل پاکستان ہے، میری جان پاکستان ہے، میری شناخت کا مان پاکستان ہے، ہماری شناخت قائم ہے ہمارے اتحاد پر  اگر ہم اپنا اتحاد کھو دیں گے تو اپنی شناخت کھو دیں گے، یہ وقت ہے کہ ہمیں پاکستان کے جھنڈے تلے ایک ہونا ہے۔

View this post on Instagram

A post shared by Shaan Shahid (@official.shaanshahid)

شان شاہد نے کہا کہ پاکستان کا ذرہ ذرہ ، اینٹ، جنگل، دریا ، درخت سب ہمارا اپنا ہے، جب بھی ہم اسے کوئی نقصان پہنچاتے ہیں تو دل خون کے آنسو روتا ہے، ہمیں پاکستان کو جوڑنا ہے توڑنا نہیں۔

مزید پڑھیں:  عاصم اظہر کاعمران خان کی ویڈیو میں گانا،گلوکار نے ردعمل دے دیا

دوسری جانب گلوکار نجم شیراز نے ٹویٹر پر ویڈیو پیغام دیا اور ساتھ ہی کیپشن میں لکھا کہ عوام اور ادارے سب ہمارے اپنے ہیں، فاصلے اور نفرتوں سے نہیں بلکہ پیار اور محبت سے آگے بڑھنا ہے۔

عوام, ادارے سب ہمارے اپنے ہیں
فاصلے نفرتیں خون ریزی سے نہیں
پیار محبّت سے آگے بڑھنا ہے
کندھے سے کندھا ملائیں اور دشمن کو ناکام بنائیں جس کی نظر پہلے دن سے ہماری سرحدوں پر ہے ہمارے نظریے پر ہے
آگ کو بجھائیں لگائیں نہیں
دلوں کو جوڑنا ہے توڑنا نہیں
اب اپنوں کو گنوانا نہیں-… pic.twitter.com/zMUsTwtnia

— najam sheraz (@najamsheraz) May 20, 2023

 گلوکار نجم شیراز نے مزید کہا کہ اس وقت ہم سب پاکستانیوں کے دل دُکھی ہیں کہ یہ ہم کہاں آ کھڑے ہیں؟ کوئی محب وطن نہیں چاہتا کہ ملک میں نفرتیں ہوں، بھائی بھائی سے لڑے اور خون بہے، ہم نے دلوں کو توڑنا نہیں جوڑنا ہے۔