24نیوز:سابق جنوبی افریقی کرکٹر اے بی ڈویلیئرز بیٹی کے باپ بن گئے۔36 سالہ کرکٹر نے اپنی بیٹی کا نام یانتی ڈیویلیئرز رکھا ہے۔
36 سالہ سابق جنوبی افریقی کپتان نے سوشل میڈیا پر اہلیہ اور نومولود بیٹی کے ہمراہ تصویر شیئر کر کے اپنے مداحوں کو نئے مہمان کے آنے کی خوشخبری دی۔ اے بی ڈویلیئرز نے انسٹاگرام اکاؤنٹ پر تصویر شیئر کرتے ہوئے اپنی پہلی بیٹی کو نعمت قرار دیتے ہوئے پیغام میں لکھا کہ ان کے ہاں 11 نومبر کو بہت پیاری بیٹی کی پیدائش ہوئی ہے، اے بی ڈویلیئرز نے اپنی بیٹی کا نام یانتی ڈیویلیئرز رکھا ہے۔
دوسری جانب اے بی ڈویلیئرز کی اہلیہ نے بھی اسی تصویر اور پیغام کو اپنے انسٹاگرام اکاؤنٹ پر شیئر کیا۔ اے بی ڈویلئرز کے مداحوں نے پوری دنیا سے ان کے انسٹاگرام اکاؤنٹ پر فیملی فوٹو کو بے حد پسند کیا اور کمنٹس سیکشن میں ان کے اہل خانہ کے لیے نیک تمناؤں کا اظہار کیا۔ لوگوں کی بڑی تعداد اے بی ڈویلیئر کی اہلیہ کی جانب سے شئیر کردہ تصویر کو بہت سراہا ہے۔ یاد رہے کہ اے بی ڈویلیئرز نے مارچ 2013ء میں اپنی گرل فرینڈ سے شادی کی تھی ،ان کے ہاں 2015ء اور 2017ء میں 2 بیٹوں کے بعد اب بیٹی کی پیدائش ہوئی ہے۔
36 سالہ ابراہام بنجامن ڈیویلیئرز جو ایب کے نام سے بھی جانے جاتے ہیں، ایک جنوبی افریقی کرکٹ کھلاڑی ہیں۔ انکی شریک حیات کا نام دانییلی ڈی ویلیرس ہے،انہوں نے تیز ترین نصف سینچری اور تیز ترین سنچری کا عالمی ریکارڈ قائم کیا ہوا ہے،آخری ون ڈے میچ16فروری 2018 کو بھارت کے خلاف کھیلا تھا۔