ڈکیت 1 کروڑ مالیت کا سونا اور ہیرے لوٹ کر فرار
Stay tuned with 24 News HD Android App
24نیوز: شہر قائد کے علاقے ڈیفنس فیز 5 میں ڈکیتی کی بڑی واردات ، ڈاکو ایک بنگلے سے بھاری مالیت کا سونا، ہیرے اور نقدی لوٹ کر فرار ہو گئے۔
تفصیلات کے مطابق کراچی میں وارداتوں کا سلسلہ تھم نہ سکا آئے روز شہری لٹنے پر مجبور ہوگئے ڈیفنس فیز فائیو میں ڈاکوؤں نے 1 کروڑ مالیت کا سونا اور ہیرے لوٹ لئے۔ذرائع کے مطابق مسلح ملزموں نے واردات کے دوران 20 لاکھ روپے کیش رقم بھی لوٹی، 4 ملزم اسلحے کے زور پر بنگلے میں داخل ہوئے اور تلاشی کے دوران ملزموں نے گھر کا سامان بھی باہر نکال پھینکا۔ ملزم جاتے ہوئے اہل خانہ کے موبائل فون بھی لے گئے، پولیس نے جائے وقوعہ کا جائزہ لے کر تفتیش شروع کر دی ہے۔
واضح رہے کہ کراچی کے علاقے گلشن جمال میں بھی گھروں میں صفائی کرنے والی خواتین نے ایک گھر کے لاکر پر ہاتھ صاف کر دیئے، پولیس کے مطابق ملزم خواتین نے ملازمت کے تیسرے روز ہی 15 تولے سونا لوٹنے کی واردات کر ڈالی ۔