کراچی ،گرین لائن منصوبے کیلئے کوریڈور کی تعمیر کا سنگ بنیادرکھ دیا گیا

(24 نیوز)کراچی میں گرین لائن منصوبے کےلئے گورنر سندھ عمران اسماعیل نے کوریڈورکی تعمیرکاسنگ بنیاد رکھ دیا۔کوریڈور تاج کمپلیکس سے میونسپل پارک ایم اے جناح روڈ تک بنے گا۔

 گورنر سندھ کا کہنا تھا کہ عمران خان جولائی میں گرین لائن منصوبے کا افتتاح کریں گے۔
تفصیلات کے مطابق کراچی میں گرین لائن منصوبے پر گورنر سندھ عمران اسماعیل نے بس ریپڈ ٹرانسپورٹ سسٹم کی تعمیر کا سنگ بنیاد رکھ دی۔کوریڈور تاج کمپلیکس سے میونسپل پارک ایم اے جناح روڈ تک بنے گا۔منصوبے کا افتتاح عمران خان کریں گے۔ 
میڈیا سے گفتگو کرتے ہوئے گورنر سندھ کا کہنا تھا کہ وزیر اعظم کراچی کیلئے فکرمند ہیں۔وفاق کراچی کے مسائل حل کرنے کیلئے کوشش کررہا ہے۔گورنر سندھ عمران اسماعیل نے کہا کہ کراچی میں ٹرانسپورٹ کے مسائل کوجلدحل کرنے کوشش کی جارہی ہے۔
اس موقع پر وفاقی وزیر اسد عمر کا کہنا تھا کہ گرین لائن سمیت دیگر منصوبوں پر کام ہورہا ہے۔پانچواں منصوبہ نالوں کی صفائی ہے۔جزائر کے معاملے پر بھی سندھ حکومت سے بات چیت چل رہی ہے۔
گورنر سندھ نے مزید کہا کہ بل پاس کررہے ہیں جس کے تحت بچوں کے ساتھ زیادتی کرنے والوں کو موت سے کم سزا نہیں ملے گی۔