(24 نیوز) محکمہ موسمیات کے مطابق آئندہ چوبیس گھنٹوں کے دوران ملک کے بیشتر حصوں میں موسم سرد اور خشک رہے گا۔
اسلام آباد میں موسم سرد اور خشک رہنے کے ساتھ صبح کے اوقات میں دھند پڑنے کا امکان ہے۔
اس کے علاوہ خیبرپختونخواء کے بیشتر اضلاع میں بھی موسم سرد اور خشک رہے گا جبکہ چترال اور کوہستان میں مطلع جزوی طور پر ابرآلود رہنے کی پیشگوئی کی گئی ہے۔ صبح کے اوقات میں پشاور، مردان، نوشہرہ اور صوابی میں ہلکی دھند پڑنے کی توقع بھی ہے۔
محکمہ موسمیات کے مطابق پنجاب کے بیشتر اضلاع میں موسم سرد اور خشک رہے گا جبکہ صبح کے اوقات میں لاہور، گوجرانوالہ، سیالکوٹ، نارووال، اوکاڑہ، فیصل آباد، میاں چنوں، بہاولپور اور ملتان میں دھند پڑنے کا امکان ہے۔
ساتھ ہی ساتھ بلوچستان، سندھ، کشمیر اور گلگت بلتستان میں بھی موسم سرد اور خشک رہنے کی پیشگوئی کی گئی ہے جبکہ صبح کے اوقات میں سکھر اور گرد و نواح میں ہلکی دھند پڑنے کا امکان ہے۔