پیٹ کمنز کاانڈین کرکٹرز کےحوالےسے بیان،بھارتی شائقین آگ بگولہ

 (24نیوز)بارڈرگواسکر ٹرافی سے پہلے آسٹریلین ٹیسٹ کپتان  پیٹ کمنز نے ایک بار پھر بھارتی پلیئرز کو نشانے پر رکھ لیا۔

 سیریز شروع ہونے سےقبل  انٹرویو کے دوران پیٹ کمنز سے سوال پوچھا گیا کہ کون سابھارتی  کھلاڑی آسٹریلوی سیٹ اپ میں جگہ بنالے گا  کمنز نے کوئی لگی لپٹی رکھے بغیر فوری طور پر دبنگ جواب دیا ’’نہیں، کوئی نہیں‘‘ پیٹ کمنز کے بیان پر بھارتی شائقین آگ بگولہ ہو گئے۔یہ سن کر میزبان بھی  حیران رہ گئے۔ 

نیتھن لیون نے ویرات کوہلی کا انتخاب کیا، مچل مارش نے  رشبھ پنت کو چنا، ٹریوس ہیڈ نے روہت شرما کومنتخب کیا جبکہ  سکاٹ بولانڈ نے جسپریت بمراہ کو جگہ دی۔آسٹریلیا اور بھارت کے درمیان 5 ٹیسٹ میچوں کی  سیریز کا آغاز کل سےپرتھ میں ہو گا۔