علیزے شاہ بولڈ ویڈیوکی وجہ سےپھرتنقیدکی زد میں
اداکارہ کا حالیہ رویہ ان کی شخصیت کو متاثر کر رہا ہے،انہیں اصلاح کی ضرورت ہے،مداح
Stay tuned with 24 News HD Android App
(ویب ڈیسک)معروف اداکارہ و ماڈل علیزے شاہ سوشل میڈیاپرکافی ایکٹیورہتی ہیں،انسٹاگرام پران کے 4.3 ملین سے زائد فالوورز ہیں،وہ اپنی بولڈتصاویراورویڈیوزکی وجہ سے تنقیدکی زدمیں بھی رہتی ہیں،آج کل پھربولڈ تصاویراور ویڈیوزکی وجہ سے تنقیدکی زد میں ہیں۔
علیزے شاہ کی جانب سے حال ہی میں سوشل میڈیا پرپوسٹ کی گئی ایک بولڈ ویڈیو نے سوشل میڈیا صارفین اور ان کے مداحوں کو حیرت میں ڈال دیا ہے، ویڈیو میں دیکھا جاسکتا ہے کہ اداکارہ نے انتہائی چھوٹا اسکرٹ اور ٹاپ پہن رکھا ہے اور وہ گھٹنوں کے بل بیٹھی ڈانس کر رہی ہیں۔
ویڈیو سامنے آنے کے بعد سوشل میڈیا پراداکارہ کو شدید تنقید کا نشانہ بنایا جارہا ہے ،ناقدین اس ویڈیو کو اداکارہ کی اب تک کی سب سے بدترین بولڈ ویڈیو قرار دیتے ہوئے ان پرشدیدتنقید کررہے ہیں۔
کچھ افراد کا کہنا ہے کہ علیزے شاہ کو والدین کی مناسب رہنمائی کی ضرورت ہے، جبکہ دیگر افراد ان کے رویے پر مایوسی کا اظہار کر رہے ہیں،مداحوں کے مطابق اداکارہ کا حالیہ رویہ ان کی شخصیت کو متاثر کر رہا ہے انہیں اصلاح کی ضرورت ہے۔
علیزے شاہ نے کئی ڈراموں میں اداکاری کے جوہر دکھائے ہیں جن میں عشق تمنا، عہدِ وفا، میرا دل میرا دشمن، دل موم کا دیا، محبت کی آخری کہانی، کھیل، تقدیر، اور جو تُو چاہے شامل ہیں، حالیہ دنوں میں عفان وحید کے ساتھ ان کے ڈرامے کوکافی سراہا جا رہا ہے۔