(ویب ڈیسک)آئرلینڈ اور زمبابوے نے آسٹریلیا کے بیلریو اوول میں ویسٹ انڈیز اور اسکاٹ لینڈ کو کرو یا مرو کے مقابلوں میں شکست دے کرٹی20 ورلڈ کپ 2022 کے سپر 12 مرحلے کے لیے کوالیفائی کر لیا ہے۔
آئرلینڈ نے دن کے پہلے کھیل میں دو بار کےٹی20 ورلڈ کپ کی فاتح ویسٹ انڈیز کو نو وکٹوں سے شکست دی ، جبکہ زمبابوے نے دوسرے گیم میں اسکاٹ لینڈ کو پانچ وکٹوں سے زیر کر کے اگلے راؤنڈ میں جگہ بنا لی۔آئرلینڈ گروپ اے میں میزبان ٹیم، آسٹریلیا، 2021 ورلڈ کپ فائنلسٹ، نیوزی لینڈ، انگلینڈ، سری لنکا اور افغانستان کے ساتھ کھیلے گا۔دوسری جانب زمبابوے گروپ بی میں 2007 اور 2009 کے چیمپئن بھارت اور پاکستان، جنوبی افریقہ، بنگلہ دیش اور نیدرلینڈ کے ساتھ کھیلے گا۔
یاد رہے کہ ہر ٹیم سپر 12 مرحلے میں پانچ میچ کھیلے گی جس میں ہر گروپ سے ٹاپ دو ٹیمیں سیمی فائنل میں پہنچ جائیں گی۔