12 سالہ فلسطینی یوٹیوبر اسرائیلی بمباری میں شہید

(ویب ڈیسک) غزہ پر اسرائیلی بمباری میں 12 سالہ فلسطینی یوٹیوبر عونی الدوس بھی شہید ہوگئے۔

نیوز ویب سائٹ البوابہ کے مطابق عونی الدوس کی شہادت کی اطلاع فلسطینی رضاکاروں نے سوشل میڈیا پر دی۔ 12 سالہ عونی الدوس نے غزہ پر حالیہ اسرائیلی جارحیت کے آغاز سے کچھ عرصہ قبل یوٹیوب پر اپنا چینل بنایا جہاں وہ گیمنگ کی ویڈیوز اپ لوڈ کرتے تھے اور ان کی خواہش تھی کہ وہ ایک مشہور آدمی بنیں۔

“I am Awni Al-Dous, a #Palestinian from Gaza, 12 years old.”

Aouni had a YouTube channel, “Gaming.” His goal was to reach 100,000 subscribers on his channel, but Aouni was killed by an Israeli airstrike in Gaza. pic.twitter.com/6bp6gqydb4

— Quds News Network (@QudsNen) October 20, 2023

عونی الدوس کے یوٹیوب چینل پر 31 ہزار سے زائد سبسکرائبرز ہیں جس پر صرف 11 ویڈیوز شیئر کی گئی ہیں۔ عونی الدوس کا خواب تھا کہ ان کے ایک لاکھ سے زائد فالوورز ہو جائیں لیکن وہ غزہ پر تازہ ترین اسرائیلی حملوں میں شہید ہو گئے۔

عونی کے ایک قریبی دوست مصعب دلول نے اپنے فیس بک پیج پر سورۃ الفجر کی آیت نمبر 27، 28، 29 اور 30 کا حوالہ دیتے ہوئے لکھا 'اے نفس مطمئن چل اپنے رب کی طرف، اس حال میں کہ تو (اپنے انجام نیک سے) خوش (اور اپنے رب کے نزدیک) پسندیدہ ہے‘۔

انہوں نے مزید کہا 'یہ مہربان لڑکا، میرا پیارا بھائی اور دوست اس وقت شہید ہوا جب اس کے گھر کو اسرائیلی بمباری میں نشانہ بنایا گیا'۔

مزید پڑھیں:  اسرائیل کی غزہ کے القدس ہسپتال کو نشانہ بنانے کی دھمکی

رپورٹس کے مطابق عونی الدوس کے تمام گھر والے اسرائیلی بمباری میں شہید ہوگئے۔ غزہ میں شہریوں پر جاری اسرائیلی بمباری میں بچے عونی کی ہلاکت کی خبر سے سوشل میڈیا سائٹس کافی وائرل ہے ۔

واضح رہے کہ غزہ کی وزارت صحت نے اعلان کیا ہے کہ مرنے والوں کی تعداد 4300 سے زائد ہو گئی ہے جن میں زیادہ تر بچے اور خواتین ہیں۔