مختلف شعبوں میں خواتین کی فوری ضرورت: ذبیح اللہ مجاہد

 (مانیٹرنگ ڈیسک)افغانستان میں طالبان کی عبوری حکومت کے نائب وزیر اطلاعات ذبیح اللّٰہ مجاہد نے کہا ہے کہ خواتین کام شروع کریں ،صحت، اعلیٰ تعلیم، اسکول، پولیس اور عدلیہ کے شعبوں میں خواتین کی فوری ضرورت ہے۔

تفصیلات کے مطابق ذبیح اللّٰہ نے کہا کہ گذشتہ حکومت میں وزارت خواتین امور صرف نام کی وزارت تھی، اسلام میں خواتین کے حقوق کے مطابق جدید ادارہ بنانے کی کوششیں جاری ہے،انہوں نے کہا کہ وزارت خواتین امور کی ملازم خواتین کو دیگر سرکاری اداروں میں جگہ دی جائے گی۔

انہوں نے کہا کہ کچھ اداروں میں خواتین نے کام شروع کردیا ہے کچھ میں جلد کام شروع کر دیں گی،انہوں نے اپنے ایک بیان میں خواتین کی رہ جانے والی تنخواہیں بھی ادا کرنے کا اعلان کیا۔

خیال رہے کہ گزشتہ دنوں یہ خبریں سامنے آئی تھیں کہ طالبان نے خواتین کی وزارت کو وزارتِ اخلاقیات میں تبدیل کردیا ہے۔
یہ بھی پڑھیں:    کرکٹ اس ملک سے کھیلیں گے جو مقابلے کیلئے تیار ہو:وسیم اکرم