(24 نیوز)راولپنڈی اور لاہور میں کھیلے جانیوالے نیشنل ٹی ٹوئنٹی میچوں کے لئے ٹکٹوں کی فروخت آج سے شروع ۔
تفصیلات کے مطابق پاکستان کرکٹ بورڈ کے زیر اہتمام23 ستمبر سے 13 اکتوبر تک کھیلے جانے والے ٹورنامنٹ کے لئے ٹکٹوں کی قیمت 50 سے 500 روپے تک مقرر کی گئی ہے۔قومی ستاروں سے سجی نیشنل ٹی ٹوئنٹی کی کہکشاں کے لئے ٹکٹوں کی فروخت آج سے شروع ہوگی۔دومرحلوں پر مشتمل ٹورنامنٹ 23 ستمبر سے 13 اکتوبر تک بالترتیب راولپنڈی اور لاہور میں کھیلا جائے گا۔شائقین کرکٹ آج رات آٹھ بجے سے ’بک می ڈاٹ پی کے‘ پر ٹکٹ بک کرواسکتے ہیں۔23 ستمبر سے 3 اکتوبر تک پنڈی کرکٹ سٹیڈیم راولپنڈی میں کھیلے جانے والے 18 میچز کے لئے سہیل تنویر، شعیب اختر، یاسر عرفات اور میراں بخش سٹینڈز کے ٹکٹ کی قیمت 200 روپے مقرر کی گئی ہے ، جبکہ عمران خان (فیملی انکلوژر)، جاوید میانداد، جاوید اختراور اظہر محمود سٹینڈز کے ٹکٹ کی قیمت 300 روپے مقرر کی گئی ہے۔
یہ بھی پڑھیں: آسٹریلیا کے نہ آنے کی صورت میں پلان بی ۔۔رمیز راجا کا اعلان