چارلس  کب تک بادشاہ  رہیں گے؟ملکہ کی موت کی پیشگوئی کرنے والی نجومی نے بتا دیا

(ویب ڈیسک)سبزی کو ہوا میں اُچھال کر مستقبل کا احوال بتانے والی کا بڑا انکشاف سامنے آ گیا، ملکہ الزبتھ دوم کی موت کی اس ماہ کے آغاز میں سچی پیشگوئی کرنے والی نجومی جمائما پیکنگٹن نے بتا دیا کہ چارلس سوم کب تک بادشاہ کے طور پر فرائض انجام دیں گے،جمائما پیکنگٹن نے یہ بھی پیشگوئی کی کہ پرنسس این کو جلد ڈچز آف ایڈنبرگ کا خطاب دے دیا جائے گا۔  

معروف نجومی جمائما پیکنگٹن نے پیشگوئی کی کہ ملکہ کی وفات کے بعد عملیات کیں تو انہیں معلوم ہوا کہ بادشاہ چارلس پیچھے ہٹ جائیں گے اور ولیم کو پرنس ریجنٹ بنا دیں گے، ایسا اس ملک میں پہلے بھی ہو چکا ہے۔ انہوں نے کہا کہ پرنس ولیم اگلے 12 ماہ میں کنگ کے زیادہ تر فرائض سنبھال لیں گے۔

 جو اسپریگس نامی سبزی کو ہوا میں اُچھال کر مستقبل بنانے والی جمائما پیکنگٹن نےاس سے قبل بریگزٹ، پرنس فلپ کی موت، تھریسا مے کو وزیر اعظم کے عہدے سے ہٹائے جانے اور ہیری اور میگھن کے شاہی خاندان سے الگ ہونے کی پیشگوئی کی تھی جو سچ ثابت ہو چکی ہیں۔

Asparagus and a fortune teller walk into a bar... and, well, predict that King Charles won't last through next year ????

Confused? Of course you are ???? https://t.co/IXDQztcOx0

— Metro (@MetroUK) September 16, 2022

انہوں نے یہ بھی پیش گوئی کی ہے کہ حال ہی میں برطانیہ کی وزیر اعظم بننے والی لیز ٹرس بھی مزید عہدے پر فائض نہیں رہ سکیں گی بلکہ ان کی جگہ ایک بار پھر غیر متوقع طور پر بورس جانسن واپس آجائیں گے اور وزیر اعظم کا منصب سنبھال لیں گے۔

انہوں نے شہزادی این کے حوالے سے بھی پیشگوئی کی ہے کہ انہیں جلد ڈچس آف ایڈنبرا کا خطاب دیا جائے گا۔