بشریٰ بی بی کا خفیہ مقدمات میں گرفتاری رکوانے کیلئے عدالت سے رجوع 

(24نیوز)تحریک انصاف کے بانی چیئرمین کی اہلیہ اور سابق خاتون اول بشریٰ بی بی نے خفیہ مقدمات میں گرفتاری رکوانے اور مقدمات کی تفصیلات کیلئے ہائیکورٹ سے رجوع کر لیا۔ 
بشریٰ بی بی نے سلمان صفدر کی وساطت سے لاہور ہائیکورٹ میں درخواست دائر کی جس میں وفاقی حکومت، آئی جی پنجاب سمیت پراسیکیوٹر جنرل پنجاب کو فریق بنایا گیا ہے۔ اپنی درخواست میں بشریٰ بی بی نے مؤقف اختیار کیا کہ سابق خاتون اول ہونے کے باوجود مجھے مسلسل سیاسی انتقام کا نشانہ بنایا جارہا ہے، ایک کے بعد دوسرے مقدمے میں غیر قانونی گرفتاری ہو رہی ہے۔

اُن کا کہنا ہے کہ خدشہ ہے پولیس کسی خفیہ مقدمے میں گرفتار کر سکتی ہے، لاہور ہائیکورٹ تمام درج خفیہ مقدمات کی تفصیلات فراہم کرنے کا حکم دے۔ عدالت تمام خفیہ مقدمات میں گرفتاری روکنے کا بھی حکم جاری کرے۔

یہ بھی پڑھیں:نیا بلڈ گروپ دریافت