لاہور: گھریلو جھگڑے پر خاتون کو شوہر اور سسرالیوں نے جان سے مار دیا

(24 نیوز)دارالحکومت  لاہور  کے علاقے ڈیفنس میں شوہر اور سسرالیوں نےگھریلو جھگڑے پر خاتون کو مبینہ طور پر تشدد کا نشانہ بنا کر جان سے مار دیا۔

تفصیلات کے مطابق پولیس کا کہنا ہے کہ ڈیفنس سی کی رہائشی رابعہ نامی خاتون کو حالت غیر ہونے پر ہسپتال لایاگیا جہاں وہ دم توڑ گئی جبکہ واقعے کے بعد سےاس کا شوہر عبدالرحیم مفرور ہو  گیا ہے۔پولیس نے مقتولہ کے بھائی آفتاب احمدکی مدعیت میں مقدمہ درج کرکے مقتولہ کے سسر تاج ملوک اور دیور سعیدکوگرفتار کر لیا جبکہ اس کے شوہر  عبدالرحیم کی گرفتاری کے لئے  چھاپے مارے جارہے ہیں۔پولیس کا کہنا ہےکہ واقعے کے شواہد اکٹھے کرکے لاش پوسٹ مارٹم کے لئے مقامی ہسپتال بھجوا دی گئی ہے۔

یہ بھی پڑھیں: کورونا سے مزید  98 افراد جاں بحق،5800 سےنئے کیسز بھی رپورٹ