شہبازشریف کی ضمانت پر مریم نواز کا ردعمل بھی آگیا

(24نیوز)مسلم لیگ ن  کی نائب صدر  مریم نواز نے کہا ہے کہ شہباز شریف کا مقابلہ کرنا ہے تو خدمت میں کرو ، دس سال کہیں بھی ناانصافی کا سن کر پہنچ جانے والے کو آخر کار انصاف مل گیا۔

سماجی رابطے کی ویب سائٹ ٹویٹر پر پیغام میں ن لیگی رہنما مریم نوازنے مزید لکھا کہ جھوٹے مقدمات کے ذریعے خدمت کے نشان نہیں مٹائے جاسکتے۔ جتنی مرتبہ بھی شہباز شریف صاحب کو گرفتار کیا، ان کا جرم صرف وفا نواز شریف نکلا۔

 واضح رہے کہ لاہور ہائیکورٹ نے منی لانڈرنگ کیس میں اپوزیشن لیڈر شہباز شریف کی آج ضمانت منظور کی ہے جس کے رد عمل میں مریم نواز نے ٹویٹ کرتے ہوئے شہباز شریف کی تصویر شیئر کی اور لفظ سرخرو بھی تحریر کیا۔

دس سال کہیں بھی ناانصافی کا سن کر پہنچ جانے والے کو آخر انصاف مل گیا۔ جتنی مرتبہ بھی شہباز شریف صاحب کو گرفتار کیا، ان کا جرم صرف وفا نواز شریف نکلا۔ شہباز شریف کا مقابلہ کرنا ہے تو خدمت میں کرو، جھوٹے مقدمات کے ذریعے خدمت کے نشان نہیں مٹائے جاسکتے۔ #سرخرو_شہباز_پاکستان pic.twitter.com/8JXyQv42zP

— Maryam Nawaz Sharif (@MaryamNSharif) April 22, 2021