پی ایس ایل 10: ملتان سلطانز اور لاہور قلندرز آج آمنے سامنے  

(24 نیوز) پاکستان سپر لیگ (پی ایس ایل) سیزن 10 میں آج ملتان سلطانز اپنا چوتھا میچ لاہور قلندرز کے خلاف کھیلے گی۔

پی ایس ایل سیزن 10 میں آج ملتان سلطانز لگاتار 3 میچ ہارنے کے بعد آج اپنا چوتھا میچ ہوم گراؤنڈ میں لاہور قلندرز کے خلاف کھیلے گی۔ دونوں ٹیموں کے درمیان آج کا میچ ملتان کرکٹ اسٹیڈیم میں رات 8 بجے کھیلا جائے گا۔

ملتان سلطانز کی قیادت رضوان اور لاہور قلندرز کی قیادت شاہین آفریدی کریں گے۔

 یہ بھی پڑھیں:میچ فکسنگ ؟بڑا الزام لگ گیا

ملتان کے کپتان محمد رضوان نے کہا ہے کہ ہمارے اگلے دونوں میچز ہمارے فینز کے سامنے ہیں یہ اچھی بات ہے لیکن ہمیں اچھی کرکٹ کھیلنی ہو گی۔ فیلڈنگ پر توجہ دینا ضروری ہے کیونکہ فیلڈنگ کی وجہ سے میچز ہمارے ہاتھ سے نکل رہے ہیں۔ فیلڈنگ پر قابو کرلیا تو ہمارا پورا ٹورنامنٹ اچھا ہو گا۔

انہوں نے کہا کہ اپنی فارم کے بارے میں یہی کہوں گا کہ جو دن گزرگیا وہ گزر گیا ، ہر دن نیا ہوتا ہے لیکن میں اپنی پرفارمنس سے مطمئن ہوں۔