(24 نیوز) رومن کیتھولک چرچ کے پہلے لاطینی امریکی پوپ پوپ فرانسس طویل علالت کے بعد 88 عمر میں پیر کی صبح انتقال کر گئے تھے، ان کا انتقال ایسٹر پیر کو ہوا، وہ نمونیا میں مبتلا ہونے کے بعد 38 دن تک ہسپتال میں داخل رہے، بھارتی حکومت نے پوپ فرانسس کے انتقال پر 3 روز سرکاری سوگ کا اعلان کیا ہے۔
پوپ فرانسس کے انتقال پر دنیا بھر کے رہنماؤں نے دکھ کا اظہار کیا ہے، بھارتی وزیراعظم نریندر مودی نے بھی پوپ فرانسس کے انتقال پر دکھ کا اظہار کیا، بھارتی وزیراعظم نے کہا پوپ کو ہندوستانیوں سے خاص لگاؤ تھا، اس لئے حکومت پوپ کے انتقال پر تین روزہ سرکاری سوگ کا اعلان کرتی ہے۔
مزید پڑھیں:ٹرمپ کے نئے بیان سے امریکی ڈالر اور سٹاک مارکیٹیں گر گئیں
بھارتی وزیراعظم مودی نے کہا کہ ’’مذہبی رہنما پوپ فرانسس کی موت ایک گہرا صدمہ ہے, میں غم کی اس گھڑی میں عالمی کیتھولک برادری سے اپنی گہری تعزیت کا اظہار کرتا ہوں, پوپ فرانسس کو ان کی ہمدردی، عاجزی اور روحانیت کے لیے پوری دنیا میں ہمیشہ معزز رہیں گے‘‘۔
بھارتی وزارت داخلہ نے پوپ فرانسس کے انتقال پر تین روزہ سرکاری سوگ کا اعلان کیا ہے، ریاستی سوگ کی مدت کے دوران، ہندوستان بھر میں تمام عمارتوں پر بھارتی پرچم آدھا جھکا رہے گا اور کوئی سرکاری تفریح نہیں ہوگی۔