(24 نیوز)بانی تحریک انصاف کے وکیل ایڈووکیٹ فیصل چوہدری نے کہا ہے کہ بانی کی صحت اچھی ہے،انھیں آگاہ کیا گیا کہ بہنوں کو ملاقات کی اجازت نہیں دی گئی ،لسٹ کے مطابق صرف2 بندے جیل تک پہنچ سکے باقیوں کو روک لیا گیا ۔ مائنز اینڈ منرلز پر بانی پی ٹی آئی نے کہا کہ وزیر اعلی کے پی اور سینئر لیڈر شپ آکر مجھے بریف کرے۔
تفصیلات کے مطابق اڈیالہ جیل میں بانی پی ٹی آئی سے ملاقات کے بعدمیڈیا ٹاک کرتے ہوئے فیصل چوہدری نے کہا کہ6وکلاء کے ناموں کی لسٹ دی گئی تھی،نعیم حیدر پنجھوتہ اور عثمان گل یہاں پہنچے تھے انکی ملاقات ہوئی ہے ،میں نے کہا میں باہر جاتا ہوں آپ نعیم پنجھوتہ کو ملاقات کے لئے بلا لیں، بانی کی صحت اچھی ہے،انھیں آگاہ کیا گیا کہ بہنوں کو ملاقات کی اجازت نہیں دی گئی، بانی کو آگاہ کیا گیا کہ پارٹی رہنماؤں اور وکلاء کو بھی روکا گیا ہے ،لسٹ کے مطابق صرف2 بندے جیل تک پہنچ سکے باقیوں کو روک لیا گیا ۔ انہوں نے کہابانی نے کہا کہ 26ویں ترمیم کے بعد جو ہو رہا ہے اس پرلیگل کمیٹی، پارٹی قیادت چیف جسٹس کو خط لکھے گی ،عدالت میں ہمارے کیسسز نہیں لگ رہے ،بشری بی بی کے ساتھ زیادتی ہو رہی ہے،قانونی امور پر عثمان گل اور فیصل ملک نے بانی کو بریفنگ دی ہے ،ہماری بانی سے سیاسی امور پر بھی بات چیت ہوئی،باہر ہونے والی مختلف پیش رفت پر بھی انھیں آگاہ کیا ہے،بانی نے کہا کہ اسٹیبلشمنٹ اور پی ٹی آئی کی ضرورت ملک اور عوام کو ہے ،پی ٹی آئی فیڈریشن کی جماعت جو پاکستان کو اکھٹا کر سکتی یے،فوج ملک کو متحد نہیں کر سکتی،سیاسی جماعتیں کر سکتی ہیں۔
فیصل چوہدری نے کہا کہ بانی پی ٹی آئی نے سیاسی رفقاء سے ملاقات نہ کروانے، تین ہفتے قبل بچوں سے ملاقات ٹیلی فونک ملاقات کے حوالے سے بھی بات کی، عثمان گل نے بانی پی ٹی آئی کو آگاہ کیا کہ توہین عدالت کی درخواست پر 28اپریل کو سماعت ہو گی، مائنز اینڈ منرلز پر بانی پی ٹی آئی نے کہا کہ وزیر اعلی کے پی اور سینئر لیڈر شپ آکر مجھے بریف کرے،بانی نے کہا کہ مائنز اینڈ منرلز بل متنازعہ ہو چکا ہے،لہذا ضروری ہے کہ لوگوں کو اعتماد میں لیں ،متنازعہ معاملات گڑ بڑ ہوں گے، افغانستان پر بانی نے کہا کہ انھوں نے تین سال لگا دیئے،ہم نے پہلے کہا تھا کہ دہشتگردی کے خاتمے کے لئے افغانستان سے بات چیت کرکے انھیں اسمیں شامل کرنا پڑے گا، حکومت نے وقت کا ضیاع کیا جس سے قیمتی جانوں کا ضیاع ہوا،فوج کے جوان شہیدہوئے،ان چیزوں کو مدنظر نہیں رکھا گیا اس وقت بھی فارن ڈائریکٹ انویسٹمنٹ نہیں آرہی،زرمبادلہ کے بغیر ملک میں ترقی نہیں ہو سکتی،انوسٹمنٹ تبھی آئے گی جب ملک میں قانون کی حکمرانی ہو گی، پی ٹی آئی کو کرش کرنے کے لیے ملک کو بنانا ریپبلک بنا دیا گیا،چاہے عدلیہ ہو،ایف آئی اے یا پولیس ہر ادارے کو تباہ کر دیا گیا ،ہم ایک وقت میں 9,9وکلاء بھی بانی سے ملے،ملاقات بانی کی فیملی کا آئینی حق ہے،کیوں اجازت نہیں دیتے۔
یہ بھی پڑھیں:سندھ میں90 ہزار اساتذہ بھرتی کرینگے،بلاول بھٹو کو صوبائی وزیر تعلیم کی بریفنگ