بانی پی ٹی آئی کی وکلا سے ملاقات کی اندرونی کہانی سامنے آگئی

(ارشاد قریشی)بانی پی ٹی آئی کی وکلا سے ملاقات کی اندرونی کہانی سامنے آگئی۔

ذرائع کا کہنا ہے کہ بانی پی ٹی آئی نے شیر افضل مروت کے بیانات پر سخت برہمی کا اظہار کیا،بانی پی ٹی آئی نے شیخ وقاص اکرم کو شیر افضل مروت کے الزامات کا دو ٹوک جواب دینے کی ہدایت کردی،ذرائع کاکہنا ہے کہ بانی پی ٹی آئی نے کہا شیر افضل مروت کو پی ٹی آئی میں پلانٹ کیا گیا تھا،بانی پی ٹی آئی نے کہا شکر ہے شیر افضل مروت سے جان چھوٹی۔ 

ذرائع کے مطابق بانی پی ٹی آئی شیر افضل مروت کی جانب سے وکلا کی فیسوں اور علیمہ خان سے متعلق بیانات پر شدید برہم ہوئے، بانی پی ٹی آئی نے مائنز اینڈ منرلز بل پر تحفظات کا اظہار کیا،بانی پی ٹی آئی نے علی امین گنڈاپور کو مائنز اینڈ منرلز بل سے پر ملاقات کیلئے بلایا ہے۔

ذرائع کے مطابق بانی پی ٹی آئی نے کہا ہمیں اسٹیبلشمنٹ کی نہیں،اسٹیبلشمنٹ کو پی ٹی آئی ضرورت ہے، بانی پی ٹی آئی نے بیرسٹر گوہر خان کے معذرت خواہانہ رویے پر انکو سخت پیغام بھجوایا،بانی پی ٹی آئی نے پارٹی لیڈر شپ کو تمام اختلافات ختم کرنے کا پیغام بھیجا،ذرائع کے مطابق بانی پی ٹی آئی نے کہا حکومت نے افغانستان کے ساتھ بات چیت میں بہت دیر کردی ہے، بانی پی ٹی آئی نے کہا کے پی دہشت گردی کا شکار صوبہ ہے، بانی پی ٹی آئی نے قانون کی عملداری نہ ہونے پر سلمان اکرم راجہ کو چیف جسٹس آف پاکستان کو خط لکھنے کی ہدایت کردی۔