تحریک انصاف عوامی نیشنل پارٹی کی کل جماعتی کانفرنس میں شرکت کریگی

(24 نیوز) تحریک انصاف نے عوامی نیشنل پارٹی  کی طرف سے بلائی جانیوالی آل پارٹیز کانفرنس  میں شرکت کی دعوت قبول کرلی۔

تفصیلات کے مطابق  پاکستان تحریک انصاف کے صوبائی جنرل سیکرٹری علی اصغر خان، پشاور ریجن کے جنرل سیکرٹری ارباب شیرعلی اور رکن صوبائی اسمبلی شکیل خان پر مشتمل 3 رکنی وفد اے این پی کی کل جماعتی کانفرنس میں شرکت کیلئے جائیں گے۔عوامی نیشنل پارٹی کی آل پارٹیز کانفرنس کل صبح 10 بجے باچا خان مرکز پشاور میں ہوگی۔

اے این پی کے صوبائی جنرل سیکرٹری میاں افتخار حسین کا کہنا ہے کہ اے این پی کی جانب سے حکمران جماعت پاکستان تحریک انصاف کے ساتھ ساتھ مرکز میں اقتدار میں شامل مسلم لیگ (ن) اور پاکستان پیپلز پارٹی کو بھی دعوت نامے ارسال کیے جا چکے ہیں، جمعیت علمائے اسلام، جماعت اسلامی، قومی وطن پارٹی، نیشنل ڈیموکریٹک موومنٹ اور مزدور کسان پارٹی کو بھی شرکت کی دعوت دی جاچکی ہے، مسلم لیگ (ن) اور پاکستان پیپلز پارٹی کو بھی دعوت نامے ارسال کیے جا چکے ہیں۔

میاں افتخار حسین نے مزید کہا کہ کانفرنس کے بعد تمام سیاسی جماعتوں، سول سوسائٹیز کی مشاورت سے مشترکہ اعلامیہ بھی جاری کیا جائے گا، اعلامیے میں مجوزہ مائینز اینڈ منرلز بل 2025 سے متعلق متفقہ مؤقف پیش کیا جائے گا۔

یہ بھی پڑھیں:سندھ میں90 ہزار اساتذہ بھرتی کرینگے،بلاول بھٹو کو صوبائی وزیر تعلیم کی بریفنگ