عمران خان ستمبر کے آخری ہفتے فائنل کال دے گا: شیخ رشید کا دعویٰ

(ویب ڈیسک) شیخ رشید نے کہا ہے کہ رجیم چینج کے خلاف عمران خان ستمبر کے آخری ہفتے فائنل کال دے گا اور ملک جام کر دے گا۔

یہ بھی پڑھیں:عمران خان کی حفاظتی ضمانت کی درخواست: رجسٹرار آفس نے اعتراض لگا دیا

سربراہ عوامی مسلم لیگ و سابق وفاقی وزیر داخلہ شیخ رشید نے سماجی رابطے کی ویب سائٹ پر ٹویٹ کرتے ہوئے کہا کہ ‏سوشل میڈیا پر اتھارٹی بنانے، یو ٹیوب کو بند کرنے، مخالف اینکروں کو اٹھانے پر کام شروع ہوگیا ہے۔

سوشل میڈیا پراتھارٹی بنانے،یوٹیوب کوبندکرنے،مخالف اینکروں کواٹھانے پرکام شروع ہوگیا ہے۔13اتحادی جماعتوں میں بندربانٹھ اورن اور ش آمنے سامنے آگئی ہیں۔عمران خان عوام میں ہیں اوراپوزیشن ٹویٹ میں پھنسی ہے۔رجیم چینج کے خلاف عمران خان ستمبر کےآخری ہفتے فائنل کال دے گااورملک جام کردے گا

— Sheikh Rashid Ahmed (@ShkhRasheed) August 22, 2022

شیخ رشید کا کہنا تھا کہ 13 اتحادی جماعتوں میں بندر بانٹھ اور ن اور ش آمنے سامنے آگئی ہیں، عمران خان عوام میں ہیں اور اپوزیشن ٹویٹ میں پھنسی ہے، ‏فیصلے کا وقت آگیا ہے، عوامی تحریکوں کو کبھی روکا نہیں جاسکتا۔

فیصلے کا وقت آگیا ہے۔ عوامی تحریکوں کو کبھی روکا نہیں جاسکتا۔ 24 گھنٹے کے نوٹس میں لیاقت باغ میں عمران خان کا کامیاب جلسہ کرنے پر راولپنڈی کی عوام کا شکرگزار ہوں۔کل سے سیاسی لڑائی شروع ہو چکی ہے۔میں ہمیشہ صلح صفائی اور بات چیت کا حامی ہوں۔آئیندہ 45 دنوں میں فیصلہ ہو جائے گا۔

— Sheikh Rashid Ahmed (@ShkhRasheed) August 22, 2022

 سربراہ عوامی مسلم لیگ نے مزید کہا کہ 24 گھنٹے کے نوٹس میں لیاقت باغ میں عمران خان کا کامیاب جلسہ کرنے پر راولپنڈی کی عوام کا شکر گزار ہوں، کل سے سیاسی لڑائی شروع ہو چکی ہے، میں ہمیشہ صلح صفائی اور بات چیت کا حامی ہوں، آئندہ 45 دنوں میں فیصلہ ہو جائے گا۔