بلوچستان میں سیلاب: مشہور گلوکار بھی متاثرین میں شامل

کوک اسٹوڈیو سیزن 14 کے بلوچی گانے ’ کنا یاری‘ سے شہرت حاصل کرنے والے گلوکار عبدالوہاب بگٹی کا بلوچستان میں سیلاب کے نتیجے میں گھر بہہ گیا ہے۔ان کی اپنے گھر سے باہر کھڑے ہوئے کی تصاویر سوشل میڈیا پر وائرل ہو گئیں جسے دیکھ کر ان کے مداح رنجیدہ ہو گئے۔

تفصیلات کے مطابق سوشل میڈیا پر وائرل پوسٹس کے مطابق  گلوکار وہاب علی بگٹی حالیہ بارشوں کے سبب شدید متاثر ہوئے ہیں اور بلوچستان میں آنے والے سیلاب میں اُن کا کچی مٹی سے بنا گھر بھی بہہ گیا ہے۔سوشل میڈیا پر وائرل پوسٹس میں ’کنا یاری‘ گلوکار عبدالوہاب کو چند بچوں سمیت بے یار و مددگار کھڑے ہوئے دیکھا جا سکتا ہے۔رپورٹس کے مطابق بلوچستان کے علاقے نصیرآباد میں سیلابی صورتحال کے باعث  عبدالوہاب اپنے اہل خانہ کے ہمراہ کُھلے آسمان تلے زندگی گزارنے پر مجبور ہیں۔

So heartbreaking! ????
This is brother Wahab Bugti & this is what he’s going through right now. Allah Rehm! ????????#Balochistanflood @cokestudio pic.twitter.com/XDx0kXHHpM

— Muniba Mazari (@muniba_mazari) August 21, 2022

دوسری جانب سوشل میڈیا پر اب وائرل اِن پوسٹس کو دیکھ کر معروف شخصیات کی جانب سے عبدالوہاب کے لیے مدد کی اپیل اور اعلان کیا جا رہا ہے۔

مذکورہ پوسٹ پر پاکستان کی معروف گلوکارہ حدیقہ کیانی نے بھی کمنٹ کرتے ہوئے وہاب علی بگٹی اور بلوچستان کو درپیش سیلابی صورتحال پر تشویش کا اظہارکیا۔

حدیقہ کیانی نے اعلان کیا ہے کہ" وہ عطیات جمع کر رہی ہیں اور جلد اپنی سیلاب زدگان مہم 2022 ’وسیلہِ راہ‘ کے ذریعے کوک اسٹوڈیو کے گلوکار وہاب علی بگٹی اور دیگر سیلاب زدگان کی مدد کیلئے بلوچستان پہنچنے والی ہیں"۔

واضح رہے کہ کوک اسٹوڈیو سیزن 14 میں بلوچی گانا ‘کنا یاری’ 19 جنوری 2022ء کو ریلیز کیا گیا تھا جسے اب تک 30 ملین سے زائد بار سُنا اور دیکھا جاچکا ہے۔