ممکن ہے مستقبل میں اپنی سیاسی جماعت بناؤں: ثروت گیلانی

Aug 22, 2023 | 12:22:PM
Stay tuned with 24 News HD Android App
Get it on Google Play

(ویب ڈیسک) پاکستانی شوبز انڈسٹری کی نامور اداکارہ ثروت گیلانی نے مستقبل میں اپنی سیاسی جماعت بنانے کا عندیہ دے دیا۔

میزبان کے سیاست میں قدم رکھنے کے سوال پر ثروت گیلانی کا کہنا تھا کہ مجھے بہت سی جماعتوں نے آنے کا کہا ہے کیونکہ میں ہمیشہ آواز اٹھاتی ہوں مگر مستقبل میں ہوسکتا ہے کہ میں اپنی سیاسی جماعت بناؤں، تاہم اداکارہ نے اس حوالے سے مزید تفصیلات نہیں بتائیں لیکن انہوں نے بتایا کہ وہ ملک میں تعلیم مفت کریں گی۔

اُن کا ووٹ کے حوالے سے کہنا تھا کہ  جب آپ کسی پارٹی سے متفق نہیں ہیں تو  وہاں ٹک کا نشان لگائیں ایسے ووٹ کاسٹ کرنا کہتے ہیں۔ 

ثروت گیلانی نے ڈراموں کے سکرپٹس پر بات کرتے ہوئے کہا کہ پاکستانی ڈراموں کی 26 اقساط میں کیا صرف ایک ہی مقصد ہے کہ لڑکی سے شادی کون کرے گا، لڑکی پر تشدد ہونا، دیور کے ساتھ افیئر کرنا، لڑکے کے ساتھ بھاگ جانا، یہ کہانیاں نئی نوجوان نسل نہیں دیکھنا چاہتی، آج کل کے نوجوان کامیاب لوگوں کی کہانیاں دیکھنا چاہتے ہیں۔

ٹی وی ڈراموں میں کام نہ کرنے کی وجہ بتاتے ہوئے اداکارہ نے کہا کہ میں نے گزشتہ 20 سالوں سے پاکستانی انڈسٹری میں کام کیا ہے لیکن جب سے میں نے عورتوں اور بچوں کی تعلیم اور خواتین کے حقوق پر بات کرنا شروع کی ہے تو اب میں ڈراموں میں پٹنے والی لڑکی کا کردار ادا نہیں کرسکتی۔ 

دیگر کیٹیگریز: انٹرٹینمنٹ
ٹیگز:

متعلقہ خبریں