اپوزیشن کی ریکوزیشن پر سینٹ کا اجلاس کل طلب

(24نیوز) اپوزیشن کی ریکوزیشن پر چیئرمین سینٹ صادق سنجرانی نے سینٹ کا اجلاس طلب کر لیا، ایوان بالا کا اجلاس کل دن 11 بجے پارلمینٹ ہاوس میں ہوگا۔
 ذرائع کے مطابق نیب کے ذریعے سیاسی انتقامی کارروایوں پر بحث کا معاملہ ایجنڈے میں شامل ہے جبکہ بجلی، گیس، گلگت بلتستان انتخابات کا معاملہ بھی ایجنڈے میں شامل ہے۔ واضح رہے اس سے قبل سلیم مانڈوی والا نے چیئرمین نیب کی طلبی کے لئے تحریک استحقاق اور اپوزیشن نے قرارداد جمع کرائی تھی جسے سینٹ سیکرٹریٹ نے اعتراضات لگا کر ایجنڈا واپس کردیا تھا۔