شاہ رخ خان کی فلم ’پٹھان‘کے دوسرے گانےنےدھوم مچا دی

(ویب ڈیسک )بالی ووڈ کے سُپر اسٹار شاہ رخ خان کی فلم ’پٹھان‘ کا نیا گانا جاری کردیا گیا۔سوشل میڈیا پلیٹ فارمز پر گانا کچھ ہی دیر ہی بڑی تعداد میں دیکھا گیا۔اسے صارفین اور مداحوں نے بے حد پسند کیا۔

تفصیلات کے مطابق شاہ رخ خان نے اپنے سوشل میڈیا اکاؤنٹس پر گانے کی ویڈیو شیئر کی جسے کچھ ہی دیر میں لاکھوں مرتبہ دیکھا گیا۔

Tumne mohabbat karni hai….humne mohabbat ki hai….Iss dil ke ‘alava kisi se bhi, na humne ijaazat li hai!!! Let’s jhoomo!! #JhoomeJoPathaan song out now- https://t.co/Dh94HTwWi2 pic.twitter.com/rrI3DFp2Cs

— Shah Rukh Khan (@iamsrk) December 22, 2022

 ادکار جان ابراہم نے بھی اپنے سوشل میڈیا اکاؤنٹ پر گانے کی ویڈیو شیئر کی ہے۔

اس سے قبل فلم کا پہلا گانا جاری ہونے کے بعد سے اب تک متنازع بنا ہوا ہے جس کے باعث بھارتی انتہاپسندوں نے فلم کے بائیکاٹ کا اعلان بھی کردیا ہے۔

واضح رہے کہ شاہ رُخ خان کی نئی فلم پٹھان کے گیت میں ہیروئن دیپیکا پڈوکون کے زعفرانی لباس کو وجہ بنا کر بھارتی انتہا پسندوں نے فلم کے بائیکاٹ کا اعلان کیا ہے۔اس سے قبل فلم ’پٹھان‘ کے بائیکاٹ کا اعلان کرنے والے بھارتی انتہا پسندوں کو شاہ رخ خان نے فلمی انداز میں کرارا جواب بھی دیا تھا۔

شاہ رخ خان نے گزشتہ دنوں کولکتہ انٹرنیشنل فلم فیسٹول 2022ء میں خطاب کے دوران کہا تھا کہ دنیا جو کچھ بھی کر لے میں، آپ اور جتنے بھی مثبت لوگ ہیں سب کے سب زندہ ہیں۔

یاد رہے کہ سدھارتھ آنند کی ہدایت کاری میں بننے والی فلم پٹھان میں دیپیکا پڈوکون اور جان ابراہم بھی شامل ہیں اور یہ آئندہ برس 25 جنوری 2023ء کو ریلیز ہو گی۔