خاتون جج کو دھمکانے کا کیس: اسلام آباد کی عدالت نے عمران خان کو طلب کرلیا
کیپشن: سابق وزیراعظم عمران خان
Stay tuned with 24 News HD Android App
(ویب ڈیسک) اسلام آباد کی عدالت نے خاتون جج کو دھمکانے کے کیس میں عمران خان کو طلب کرلیا۔
اسلام آباد کی ڈسٹرکٹ اینڈ سیشن عدالت نے خاتون جج کو دھمکی دینے کے کیس میں چیئرمین پی ٹی آئی عمران خان کو 18 جنوری کو طلب کیا ہے جس کے لیے سینئر سول جج رانا مجاہد نے سابق وزیراعظم کو نوٹس جاری کر دیا ہے۔
علاوہ ازیں اسلام آباد پولیس نے مقدمے کا چالان عدالت میں جمع کرادیا ہے۔ واضح رہےکہ عمران خان نے اسلام آباد میں جلسے کے دوران خاتون جج کودھمکی دی تھی اور بعد ازاں عدالت سے معافی بھی مانگی تھی۔
چیئرمین پی ٹی آئی خاتون جج کی عدالت میں بھی پیش ہوئے تھے جہاں انہوں نے عدالتی عملے سے خاتون جج کو ان کی معافی سے متعلق آگاہ کرنے کا کہا تھا۔