(24 نیوز)سپیکر پنجاب اسمبلی سبطین خان نے کہا ہے کہ جاری شدہ اجلاس کے دوران نیا اجلاس نہیں بلایاجاسکتا،گورنر نے خط میں اعتماد کا ووٹ لینے کی بات کی تھی۔کل اسمبلی تحلیل نہیں ہوسکتی ۔
سپیکر سبطین خان نے پریس کانفرنس سے خطاب کرتے ہوئے کہا ہے کہ گورنر کے خط کا جواب دیدیاہے۔ گورنر پنجاب غیرقانونی احکامات جاری نہ کریں،کسی کو وزارت دینا،نہ دینا گورنر کا کام نہیں،چوہدری شجاعت حسین ہمارے لیے قابل احترام ہیں۔ ہم عوام کے پاس جانا چاہ رہے ہیں۔
ضرور پڑھیں :’’آؤ اپنے استعفیٰ کی تصدیق کرو ‘‘سپیکر نے پی ٹی آئی ارکان کو بلا لیا
سپیکر پنجاب اسمبلی سردار سبطین خان نے کہا ہے کہ گورنر نے ایک لیٹر لکھا ووٹ آف نو کونفیڈنس اور کونفیڈنس کے حوالے سے،چوہدری شجاعت حسین کا پنجاب اسمبلی کے ساتھ کوئی تعلق نہیں،ایک سیشن کے دوران اجلاس نہیں بلوایا جا سکتا،آج میں پھر گورنر کو خط لکھ رہا ہوں،میں نے اس بلڈنگ کی عزت کا خیال رکھنا ہے۔
کوئی چیز نا سیز ہوگی نا سیل ہوگا،تحریک عدم کی کاروائی جنوری کے پہلے ہفتہ تک ممکن ہے،ہمارا خط تیار ہے صدر کے لیے،وقتی طور پر خط روک دیا ہے،اگر سی ایم کو ڈی نوٹیفائی کرتے تو میں صدر کو خط لکھتا،ہم چاہتے ہیں اسمبلیاں ٹوٹیں اور ہم عوام کے پاس جائیں،عدم اعتماد آ چکا ہے تو اسمبلی فوری تحلیل نہیں بلکہ اس پر کاروائی مکمل ہوگی،جس دن میرے خلاف ووٹنگ ہوگی اس دن میں چیئر نہیں کرونگا ۔
دوسری جانب ذرائع نے دعویٰ کیا ہے کہ اسپیکر پنجاب اسمبلی کا لکھا ہوا کوئی خط ایوان صدر میں ابھی تک موصول نہیں ہوا۔
یاد رہے کہ ق لیگ کے رہنما راجہ بشارت نے صدر کو گورنر پنجاب کے خلاف لکھے گئے خط کے حوالے سے اپنا ٹویٹ پہلے ہی ڈیلیٹ کر دیا ہے ۔