عسکری ٹاور حملہ اور جلاؤ گھیراؤ کیس میں 3 نئے ملزمان کی شناخت ہوگئی

(جمال الدین جمالی)عسکری ٹاور حملہ اور جلاؤ گھیراؤ کیس میں تین نئے ملزمان کی شناخت ہو گئی۔

انسداد دہشت گردی عدالت کی جج عبہر گل خان نے کیس کی سماعت کی، ملزمان کو شناخت پریڈ کے بعد عدالت میں پیش کیا گیا۔ دوران سماعت تفتیشی افسر نے کہا کہ ملزمان کی شناخت پریڈ میں شناخت ہو چکی ہے، تفتیشی افسر نے استدعا کی کہ تفتیش کیلئے ملزمان کا جسمانی ریمانڈ دیا جائے۔

 جس کے بعد عدالت نے تین ملزمان کو 11 روزہ جسمانی ریمانڈ پر پولیس کے حوالے کر دیا،ملزم محمد احمد قاضی، محمد عمر اور ایلون مسیح کا جسمانی ریمانڈ منظور ہوا۔

عدالت نے ملزمان کو 2 جنوری کو دوبارہ پیش کرنے کا حکم دیا۔ 

یہ بھی پڑھیں:عام انتخابات میں حصہ لینے والوں کیلئے بری خبر ، یہ کام نہ کیا تو ڈیفالٹر ڈکلیئر ہونگے

تھانہ گلبرگ نے ملزمان کیخلاف مقدمہ نمبر 1271/23 درج کر رکھا ہے،ملزمان پر عسکری ٹاور پر حملہ اور جلاؤ گھیراؤ کا الزام ہے۔