انتظار کی گھڑیاں ختم! محکمہ موسمیات نے بارش کی نوید سنا دی

(روزینہ علی)محکمہ موسمیات نے پنجاب ،    کشمیر اور گلگت بلتستان کے مختلف علاقوں میں بارش کی نوید سنا دی۔

رپورٹ کے مطابق آج رات ملک کے بیشتر علاقوں میں موسم سرد اورخشک جبکہ پہاڑی علاقوں میں شدیدسرد رہنے کا امکان ہے۔تاہم گلگت بلتستان ،کشمیر اور ملحقہ پہا ڑی علاقوں میں مطلع جزوی ابر آلو رہنے کے علاوہ بعض مقامات پر ہلکی بارش / ہلکی برفبا ری ہو سکتی ہے۔ پنجاب، بالائی سندھ اور خیبر پختونخوا کے چند میدانی علا قوں میں سموگ/دُھند چھائے رہنے کی توقع ہے۔

سوموار کے روز موسم کے حوالے سے محکمہ موسمیات کاکہنا ہے کہ اسلام آباد اور گردونواح میں موسم سرد اور مطلع جزوی ابر آلود رہنے کے علاوہ بعض مقامات پر بونداباندی ہو سکتی ہے۔

اس کے علاوہ خیبر پختونخوا کے بیشتر اضلاع میں موسم سرد اورخشک جبکہ پہاڑی علاقوں میں شدید سرد/مطلع ابر آلود رہنے کا امکان ہے۔تاہم صبح کے اوقات میں صوابی، مردان،پشاور، نوشہرہ، کوہاٹ اور ڈیرہ اسماعیل خان میں چند مقامات پرسموگ/ دُھند چھائے رہنے کی توقع ہے۔

ادھرپنجاب کے بیشتر اضلاع میں موسم سرد اور مطلع ابر آلود جبکہ مری، گلیات اور گردو نواح میں موسم شدید سرد/ مطلع ابر آلود رہنےکے علا وہ بعض مقامات پر ہلکی بارش/ ہلکی برفباری ہو سکتی ہے ۔ سیالکوٹ، نارووال، گوجرنوالہ، لاہور ، قصور ، اوکاڑہ ، فیصل آباد ، بہاولنگر اور گردونواح میں مطلع جزوی ابر آلود رہنے کے علاوہ چند مقامات پر ہلکی بارش/بوندا باندی کی توقع ہے۔تاہم صبح/رات کے اوقات میں سیالکوٹ، ناروال، گوجرانوالہ، منگلا، جہلم، راولپنڈی، لاہور، شیخوپورہ، ساہیوال، فیصل آباد، ،اوکاڑہ ، ملتان ،بہاولپور، رحیم یار خان ،ڈی جی خان اور گردونواح میں چند مقامات پر دُھند / سموگ چھائے رہنے کی توقع ہے۔

یہ بھی پڑھیں:نواز شریف کے پوتے کی شادی کی تیاریاں جاری,کتنے افراد کو مدعو کیا جائیگا؟تعداد سامنے آ گئی

رپورٹ کے مطابق سندھ کے بیشتر اضلاع میں موسم سرد اورخشک رہنے کا امکان ہے ۔ تاہم صبح/رات کے اوقات میں سکھر ، شکارپور، کشمور، خیر پور اور گردونواح میں دھند /سموگ چھائے رہنے کی توقع ہے۔

اسی طرح بلوچستان کے بیشتر اضلاع میں موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے۔

ادھرکشمیر اور گلگت بلتستان میں موسم شدید سرد اور مطلع ابر آلود رہنے کے علا وہ بعض مقامات پر ہلکی بارش/ہلکی برفباری ہو سکتی ہے۔

آج کم سےکم درجہ حرارت  لہہ منفی13 ، اسکردو منفی 11، گو پس منفی 09، گلگت ،دیرمنفی 08، استور منفی 07،قلات، بگروٹ منفی 06، کو ئٹہ ،زیارت اورچترال میں منفی 05 ڈگری سینٹی گریڈ ریکارڈ کیا گیا۔

یہ بھی پڑھیں:پاکستان اور جنوبی افریقا کے درمیان تیسرے میچ میں بارش کی انٹری، کتنے اوور کا میچ ہو سکا؟جانیے