میری سب سے بڑی غلطی کپل شرما شو تھا، نسیم وکی

(24نیوز) مشہور پاکستانی کامیڈین نسیم وکی نے بھارتی کامیڈین کپل شرما کے ساتھ کام کرنے کو اپنی زندگی کی سب سے بڑی غلطی تسلیم کر لیا۔ 

 مزاحیہ اداکار احمد علی بٹ کی پوڈکاسٹ میں بات کرتے ہوئے نسیم وکی نے کہا بھارتی شو "کامیڈی نائٹس ود کپل" میں کام کرنے کے مثبت نتائج نہیں ملے۔انہوں نے کہااس شو میں شرکت سے مجھے کوئی خاص فائدہ نہیں ہوا، نہ پاکستان میں اور نہ ہی بین الاقوامی سطح پربلکہ الٹا مجھے یہ سننا پڑا کہ میں نے وہاں جا کر کیا ہی کیا ہے؟

انہوں نے اپنے ساتھی فنکار احمد علی بٹ کے ساتھ بھارتی انڈسٹری اور پاکستانی فنکاروں کے رویوں پر بھی کھل کر بات کی۔ انہوں نے کہا کہ پاکستانی فنکاروں نے میری اس بات کی تعریف کرنے کی بجائے الٹا مجھے تنقید کا نشانہ بنایا ۔

نسیم وکی نے پاکستانی کامیڈی انڈسٹری کی خامیوں پر بھی بات کی۔ انہوں نے کہا کہ یہاں تھیٹر اور کامیڈی میں اسکرپٹ کے بغیر کام کیا جاتا ہے جس کی وجہ سے کوئی نیا ٹیلنٹ سامنے نہیں آرہا۔ انہوں نے کہاگزشتہ 10 برس میں کامیڈی کے میدان میں کوئی نیا ستارہ ابھر کر نہیں آیا کیونکہ ریہرسل اور تیاری کو اہمیت نہیں دی جاتی۔ 

یہ بھی پڑھیں: تحریک انصاف مذاکرات کیلئے بے تاب ہے،خواجہ محمد آصف