پاکستان نے انتخابات کیلئے الیکٹرانک ووٹنگ مشین تیار کرلی

(24 نیوز)پاکستان نے انتخابات کیلئے الیکٹرانک ووٹنگ مشین تیار کرلی ، مشین نیشنل انسٹی ٹیوٹ آف الیکٹرانک نے تیار کی ہے ۔
وفاقی وزیر سائنس و ٹیکنالوجی فوادچودھری کاکہنا ہے کہ مشین کے دو حصے ہیں ، ایک حصے پر انتخابی نشانات ہیں ،دوسراحصہ پریزائیڈنگ افسر کے پاس ہوگا،وفاقی وزیر نے کہاکہ پریزائیڈنگ افسر ہی مشین آن کرسکے گا ،مشین کے ذریعے ووٹر کسی بھی نشان پر کلک کرکے ووٹ ڈال سکے گا،انتخابی نشان پر کلک کرنے پر الیکٹرک ووٹ کاسٹ ہوجائےگا۔

pic.twitter.com/3xh7v9ZIY4

— Fawad Chaudhry (Updates) (@FawadPTIUpdates) February 22, 2021

فوادچودھری نے کہاکہ مشین کے ذریعے بیلٹ پیپر بھی پرنٹ ہوسکے گا،مشین الیکٹرک ہے اور بیلٹ پیپر پر ووٹ کاسٹنگ کیلئے استعمال بھی ہوسکتی ہے ،ووٹنگ مشین پر کام جاری ہے اور آخری مراحل میں ہے ،انہوں نے کہاکہ ڈسکہ اور باقی جگہوں میں جو کچھ ہوا اس سے نمٹنے کیلئے یہ بہت ضروری ہے ،مشین ذریعے الیکشن پر امن ہونگے اور دھاندلی سے چھٹکارا مل جائے گا۔