اے پتر ہٹاں تے نہیں وکدے، پاک فوج کےشہدا کو سلام

(24نیوز) شہداء کو خراج تحسین پیش کرتے ہیں جنہوں نے ملکی سا لمیت کے لئے لازوال قربانیاں دی ہے، شہداء آج بھی ہمارے دلوں میں زندہ ہے۔

وطن کی مٹی کا قرض ادا کرنے والے ، شہدائے پاک فوج کی لازوال قربانیاں کبھی فراموش نہیں کی جا سکتیں۔ آئیے دو دہائیوں سے جاری دہشت گردی کی جنگ کے دوران وطن پر جان نچھاور کرنے والے جانبازوں کا ذکر کرتے ہیں اور پوری قوم کی جانب سے انہیں خراج تحسین پیش کرتے ہیں۔

روایتی جنگ ہو یا دہشت گردی کے ناسور کا سامنا ، پاک فوج نے ہمیشہ وطنِ عزیز کو امن کا گہوارہ بنانے کے لیے لازوال قربانیوں کی داستانیں رقم کی ہیں۔

وطن کی مٹی کے یہ گوہر نایاب کبھی سپاہی رضوان محمود کی صورت میں ماں کا فخر بنے تو کبھی میجر دانش نے اپنی قربانی سے وطن کو سرخرو کیا۔
کبھی لانس ناٸیک محمد عامر نے شہادت کی تمنا کی اور شہادت کو شہد سمجھ کر نوش کیا تو کبھی حوالدار محمد اکرم نے ملک و قوم کیلٸے اپنی وفاٶں کا حق ادا کیا۔
کبھی ناٸیک عمران کی شہادت نے دل دہلایا تو کبھی کیپٹن کاشان کی ماں کے آنسوٶں اور اسکے والد کے حوصلوں نے کوہ صبر کو بھی حیران کر دیا۔
کیپٹن عفان کی ذوق خداٸی اور لذت آشناٸی کوٸی دیکھے تو کوٸی حوالدار محمد نوید کی جرات سے سبق سیکھے۔
حوالدار اسلم جو شہادت پرالحمد لللہ کا درس دینے والا جری ہو یا کیپٹن سلمان سرور جسکی زندگی کا مقصد ہی وطن پر جانثار ہونا رہا۔
گویا وہ کیپٹن صغیرعباس کی دُکھیا ماں کا غم ہو یا اسکے والد کا حوصلہ یا پھر میجر شجاعت حسین کا وطن کے عشق میں سر بکف ہو کر جام شہادت نوش کرنا۔

یہ سب شہید ہمارے محسن ہیں جنہوں نے اپنا ”آج“ پاکستان کے ”مستقبل“ پر قربان کردیا۔
دو دہاٸیوں سے دہشت گردوں کیخلاف جس بھرپور انداز میں پاک فوج نے کامیاب آپریشنز کیے دنیا میں اسکی نظیر نہیں ملتی۔

آپریشن راہِ راست ہو ، ضربِ عضب ہو یا کہ ردالفساد پاک فوج کے افسران سے لیکر جوانوں تک شہدا کا ایک طویل سفر ہے۔سلام ہے شہداءِ پاک فوج کے لواحقین کو جنہوں نے اپنے لختِ جگر اس مٹی کی محبت میں بخوشی قربان کردیے اور شہادت پر الحمداللہ کہا۔
وہی قومیں ہمیشہ زندہ و تابندہ رہتی ہیں جو اپنے شہدا کو ہمیشہ یاد اور خراج تحسین پیش کرتی ہیں۔