شاداب کی بیٹنگ پوزیشن، وسیم اکرم نےسوال اٹھادیئے

(ویب ڈیسک)قومی کرکٹ ٹیم کے سابق کپتان وسیم اکرم نے اسلام آباد یونائیٹڈ کے کپتان شاداب خان کی بیٹنگ پوزیشن پر عدم اطمینان کا اظہار کرتے ہوئے سوال اٹھایا کہ انہیں تین یا چار پر بیٹنگ کیلئے کیوں نہیں بھیجا گیا؟

تفصیلات کے مطابق اسلام آباد یونائیٹڈ کے کپتان شاداب خان نے لاہور قلندرز  کے خلاف جارحانہ 41 گیندوں پر 74 رنز کی اننگز کھیلی تھی لیکن ملتان سلطانز کے خلاف وہ ساتویں نمبر پر بیٹنگ کیلئے آئے، یہ وجہ مجھے سمجھ نہیں آئی۔

نجی ٹی وی چینل پر گفتگو کرتے ہوئے وسیم اکر نے مینجمنٹ پر سوال اٹھایا کہ جب آپ کا کپتان فارم میں ہے اور گزشتہ اننگز میں میچ ووننگ اننگز کھیلی ہیں تو انہیں تین یا چار پر بیٹنگ کیلئے کیوں نہیں بھیجا گیا؟

یاد رہے کہ شاداب خان نے میچ کے اختتام پر پریس کانفرنس کرتے ہوئے کہا تھا کہ وکٹ تھوڑی مشکل تھی جس کی وجہ سے میں مناسب بلے باز بھیجنا چاہتا تھا، مجھے لگتا ہے کہ زبان کی رکاوٹ تھی کیونکہ اگر ایسا ہے تو اسکا مطلب یہ ہوا پچ آسان ہوگی تو وہ جلد بیٹنگ کیلئے آئیں گے اور مشکل ہوگی تو کسی اور کو بھیجا جائے گا۔

یہ بھی پڑھیں: پی ایس ایل9: لاہور قلندرز کی ٹیم لاہور روانگی کیلئے ایئرپورٹ پہنچ گئی

واضح رہے کہ ملتان کرکٹ اسٹیڈیم میں ملتان سلطانز نے اسلام آباد یونائیٹڈ کو 5 وکٹوں سے شکست دے کر پاکستان سپر لیگ میں مسلسل دوسری فتح حاصل کی تھی۔