پروین بابی نے امیتابھ بچن کیخلاف ایف آئی آر کیوں درج کروائی تھی؟ 

(ویب ڈیسک)بالی ووڈ کی 80 کی دہائی کی خوبرو آنجہانی اداکارہ پروین بابی نے ایک انٹرویو میں امیتابھ بچن کو ایک بین الااقوامی گینگسٹرقرار دیتے ہوئے ان کیخلاف پولیس میں شکایت بھی درج کروائی تھی۔ 

بھارتی میڈیا کی رپورٹ کے مطابق اپنے اپارٹمنٹ میں مردہ حالت میں پائی جانے والی اداکارہ  نے 1989 میں دیئے گئے ایک انٹرویو میں سپر اسٹار امیتابھ بچن پر الزام عائد کیا تھا کہ وہ ان کی جان کے پیچھے پڑے ہیں۔

معروف اداکارہ کا کہنا تھا کہ امیتابھ بچن ایک سپر انٹرنیشنل گینگسٹر ہیں، وہ میری زندگی کے پیچھے پڑا ہے، اس کے غنڈوں نے مجھے اغواء کیا اور مجھے ایک جزیرے پر رکھا گیا جہاں انہوں نے میری سرجری کی اور میرے کان کے اندر ایک ٹرانسمیٹر یا چِپ لگا دی۔

 اس انٹرویو کے بعد پروین بابی نے ساتھی اداکار کے خلاف پولیس میں شکایت درج کروائی اور معاملہ عدالت میں چلا گیا، جس سے اداکارہ میں دماغی مرض شیزوفرینیا کی تشخیص ہوگئی ۔

دوسری جانب بھارتی میزبان و اداکار شیکھر سمن نے انکشاف کیاہے  کہ پروین بابی نے خود انہیں انٹرویو کے لئے کال کر کے گھر بلایا اور انٹرویو دیا تھا،لوگ ان کی ذہنی حالت کے بارے میں جو بھی کہتے ہیں وہ جھوٹ اور غلط ہے،اداکارہ بلکل ٹھیک تھیں لیکن انٹرویو کے دوران پروین بابی نے وہ باتیں کیں جن پر وہ خود بھی حیران ہوگئے تھے۔

شیکھر سمن نے اداکارہ کے انٹرویو کے وہ کلپس کاٹ دیئے کیونکہ انڈسٹری کے جن لوگوں کے خلاف وہ باتیں بتا رہی تھیں اس کیلئے ان کے پاس کوئی ثبوت نہیں تھا .

یہ بھی پڑھیں:اداکارہ شہناز گِل کی انتہائی بولڈ تصاویرنے سوشل میڈیاپرطوفان برپاکردیا

واضح رہے کہ پروین بابی اور امیتابھ بچن ماضی کی مشہور فلم "دیوار"اور "امر اکبر انتھونی"سمیت کئی فلموں میں ایک ساتھ اداکاری کر چکے تھے،ماضی کی اس خوبرو اداکارہ نے زندگی کے آخری لمحات تنہا گزارے اور پڑوسیوں کی جانب سے ان کی لاش سڑنے کی وجہ سے بدبو پھیلنے پر پولیس کو اطلاع دی گئی تھی جہاں بند اپارٹمنٹ میں اداکارہ 3 دن قبل دم توڑ چکی تھیں۔ 

اداکارہ کے اہل خانہ کی جانب سے ان کی آخری رسومات کی ادائیگی کیلئے انکار کے بعد ان کے سابقہ بوائے فرینڈز مہیش بھٹ، کبیر بیدی اور ڈینی نے ان کی آخری رسومات ادا کی تھیں۔