راکھی ساونت کابھارت کی جیت پر ڈانس کرنے اور لڈو کھانے کا اعلان
Stay tuned with 24 News HD Android App
(ویب ڈیسک)بھارتی اداکارہ اور رقاصہ راکھی ساونت نے کل کے پاک بھارت ٹاکرے میں بھارت کے جیتنے پر ڈانس کرنے کا وعدہ کر لیا۔
آئی سی سی چیمپئنز ٹرافی 2025ء کاسب سے بڑا مقابلہ پاکستان اور بھارت کے درمیان کل23 فروری کو دبئی میں ہو گا۔
سوشل میڈیا پلیٹ فارم انسٹاگرام پر راکھی ساونت کی ایک ویڈیو وائرل ہوئی ہے جس میں انہیں منفرد ڈیزائن والی جرسی پہنے کرکٹ کھیلتے دیکھا جا سکتا ہے،اس شرٹ پر پاکستان اور بھارت دونوں ممالک کا نام لکھا ہوا ہے۔
راکھی ساونت سے جب سوال کیا گیا کہ وہ کسے سپورٹ کر رہی ہیں؟ تو انہوں نے اپنی ویڈیو میں خود کو پہلے بھارت کی بیٹی اور پاکستان کی ہونے والی بہو قرار دیا پھر بھارت کی جیت کا نعرہ بلند کر دیا۔
انہوں نے دونوں ممالک کے کھلاڑیوں کو میچ کے روز بھاری ناشتہ کرنے سے گریز کا مشورہ دیا اور ساتھ ہی وسیم اکرم سے کیٹ واک کا بھی مطالبہ کیا تاکہ اسٹیڈیم آئے شائقین کی بوریت کچھ دور ہو سکے۔
انہوں نے کہا کہ جب بھارت وکٹ لے گا تو میں ڈانس کروں گی اور بھارت کی جیت پر لڈو کھاؤں گی۔
بھارتی اداکارہ کی یہ ویڈیو سوشل میڈیا پر وائرل ہو رہی ہے جس پر صارفین کی جانب سے مختلف تبصرے کئے جارہے ہیں۔