(24 نیوز)بھارتی اوپننگ بلے باز شبمن گل نے پاکستان کیخلاف میچ میں بڑی اننگز کھیلنے کا اعلان کر دیا، اچھا اسٹارٹ ملا تو بڑی اننگز کھیلوں گا۔
آئی سی سی چیمپئنز ٹرافی میں پاکستان کے خلاف کل ہونے والے میچ سے قبل پریس کانفرنس کے دوران بھارتی اوپنر اور نائب کپتان شبھمن گل کا کہنا تھا کہ جو ٹیم پریشر برداشت کرے اس کے امکانات زیادہ ہوتے ہیں۔
انھوں نے کہا کہ میرے خیال میں ٹاس کا زیادہ کردار نہیں ہوگا لیکن اوس پڑنے کی صورت میں ٹاس اہم ہو سکتا ہے کیونکہ اوس نہ پڑے تو بعد میں بیٹنگ کرنا مشکل ہو سکتا ہے، اوس نہ پڑے تو سلووکٹ پر بیٹنگ کرنا آسان نہیں ہوتا۔
بھارتی نائب کپتان کا کہنا تھا کہ مڈل اوورز میں اچھا کھیلیں تو جیتنا آسان ہوتا ہے، ہم جارحانہ اور مثبت کرکٹ کھیلنے کی کوشش کریں گے، اگر میچ پرانی وکٹ پر ہوا تو 280 سے 300 رنزکا ٹوٹل اچھا ہوگا اور اگر وکٹ تبدیل ہوئی تو 350 رنزبھی بن سکتے ہیں۔
شبمن گِل نے کہا کہ چیمپینز ٹرافی میں غلطی کی گنجائش کم ہوتی ہے، پاکستان کا میچ دیگر میچز سے مختلف نہیں، ہم ہر میچ ایک ہی سوچ کے ساتھ کھیلتے ہیں۔
ان کا مزید کہنا تھا کہ بیٹنگ کرتے ہوئے یہ نہیں سوچتا کہ نائب کپتان ہوں، جوٹیم اچھا پریشرہینڈل کرتی ہے اسے کامیابی ملتی ہے، جو اچھے سے پریشر ہینڈل کرے گی وہی ٹیم جیتے گی۔
مزید پڑھیں : آسٹریلیا ، انگلینڈ میچ: امپائر کرس گیفنی کی طبیعت ناساز، احسن رضا میدان سنبھالنے آگئے