(ویب ڈیسک) گورنر سندھ کامران ٹیسوری نے کا بھارت کیخلاف کامیابی پر قومی ٹیم کو ایک کروڑ روپے دینے کا اعلان کیا ہے۔
لندن میں میڈیا سے گفتگو کرتے ہوئے انہوں نے کہا کہ میں لندن میں موجود ہوں لیکن میری دعائیں اور دل پاک بھارت ٹاکرے پر لگاہوا ہے،کامران ٹیسوری کا کہنا ہے کہ مجھ سمیت پوری قوم اپنی ٹیم کی جیت کے لئے دعاگو ہے، کھلاڑی اپنی پوری لگن سے کھیلیں، جیت انشاءاللہ ہماری ہوگی،گورنر سندھ نے کہا کہ ان شااللہ کل قومی ٹیم پاکستان کا سر فخر سے بلند کرے گی، انہوں نے قومی ٹیم کے کھلاڑیوں سے اپیل کی کہ کل پورا زور لگا دیں، اللہ تعالیٰ ہماری مدد فرمائے گا۔
ان کا مزید کہنا تھا کہ قومی ٹیم ہمارے سر کا تاج ہے، جیتو یا ہارو ہم آپ کو ہمیشہ اپنے گلے سے لگائیں گے۔
یاد رہے کہ چیمپئنز ٹرافی 2025 کے 5ویں میچ میں کل بروز اتوار 23 فروری کو دبئی انٹرنیشنل کرکٹ سٹیڈیم میں روایتی حریف پاکستان اور بھارت آمنے سامنے ہوں گے۔
یہ بھی پڑھیں: چیمپئنز ٹرافی: آسٹریلیا نے انگلینڈ کا 352 رنز کا ہدف عبور کرکے نئی تاریخ رقم کردی