دی سکس ٹی نامی کرکٹ فارمیٹ متعارف، دلچسپ قوانین جاری

(ویب ڈیسک) ویسٹ انڈیز کرکٹ بورڈ کرکٹ کے کھیل میں مزید جدت اور دلچسپی لے آیا ہے۔ تھرل سے بھرپور دی سکس ٹی نامی نیا فارمیٹ متعارف کروا دیا گیا ہے۔ کرکٹ ویسٹ انڈیز کا کہنا ہے کہ دس دس اوورز  فی اننگز  کے اس نئے فارمیٹ سے کھیل میں مزید تیزی آئے گی۔

کرکٹ ویسٹ انڈیز نے سکس ٹی کے دلچسپ قوانین بھی جاری کردیے ہیں جس کے مطابق 60 بالز فی اننگز کے میچ میں چھٹی وکٹ گرنے پر اننگز تمام ہوجائے گی۔

The 6IXTY IS HERE!????
Welcome to Cricket's Power Game - the world's newest and most exciting format! @6ixtycricket #The6ixty pic.twitter.com/I5G1gKMyiE

— Windies Cricket (@windiescricket) June 22, 2022

10 اوورز میں سے 2 اوورز پاور پلے ہوں گے، پہلی بارہ گیندوں پر دو چھکے لگا کر تیسرا پاور پلے اوور لیا جاسکتا ہے۔

یہ بھی پڑھیں: عالمی منڈی میں تیل کی قیمتیں مزید گر گئیں

قوانین کے مطابق پہلی 30 گیندیں ایک اینڈ سے پھر دوسری 30 گیندیں اگلے اینڈ سے پھینکی جائیں گی۔ اگر مقررہ وقت تک 54 گیندیں نہ کرائی گئیں تو آخری چھ گیندوں کیلئے ایک فیلڈر کم ہوجائے گا۔ فینز ‘مسٹری فری ہٹ‘ کیلئے ووٹ کریں گے، اس گیند پر بیٹر کو آؤٹ نہیں کیا جاسکے گا۔

کرکٹ بورڈ کے مطابق ویسٹ انڈیز میں ’سکس ٹی‘ کا پہلا ایڈیشن 24 سے 28 اگست تک ہوگا جس میں 6 ٹیمیں شریک ہوں گی، ایونٹ میں دنیا بھر سے کھلاڑی ایکشن میں ہوں گے۔