آرمی چیف سے نئے ایئر چیف ظہیر احمد بابر کی ملاقات
Stay tuned with 24 News HD Android App
(24نیوز)پاک فوج کے سپہ سالار جنرل قمر جاوید باجوہ سے نئے ایئر چیف ظہیر احمد بابرنے اہم ملاقات کی ہے۔
پاک فوج کے شعبہ تعلقات عامہ آئی ایس پی آرکے مطابق پاک فضائیہ کے نئے سربراہ ظہیر احمد بابر نے راولپنڈی میں جی ایچ کیو کا دورہ کیا۔ دورے کے دوران انہوں نے آرمی چیف جنرل قمر جاوید باجوہ سے ملاقات کی۔
آئی ایس پی آر کے مطابق آرمی چیف جنرل قمر جاوید باجوہ نے نئے ایئر چیف ظہیر احمد بابر کو کمانڈ سنبھالنے پر مبارکباد دی اور ان کیلئے نیک خواہشات کااظہار کیا۔ملاقات کے دوران سپہ سالار کا کہنا تھا کہ امید ہے نئے ایئر چیف کی کمان میں فضائیہ نئی بلندیوں کو چھوئے گی۔