ثانیہ مرزا عمرے کی ادائیگی کیلئے سعودی عرب پہنچ گئیں

(ویب ڈیسک) بھارتی سابق ٹینس اسٹار ثانیہ مرزا اپنے بیٹے کے ہمراہ عمرہ ادائیگی کیلئے سعودی عرب پہنچ گئیں۔

پاکستانی کرکٹر شعیب ملک کی اہلیہ ثانیہ مرزا نے انسٹاگرام پر تصاویر شیئر کیں جس میں انہیں عبایا پہنے اذہان مرزا کے ساتھ مدینہ منورہ میں دیکھا جاسکتا ہے۔

اس سے قبل 2018ء میں بھی پاکستان کرکٹ ٹیم کے سابق کپتان شعیب ملک نے اپنی اہلیہ ثانیہ مرزا کے ہمراہ عمرہ کی سعادت حاصل کی تھی۔

View this post on Instagram

A post shared by Sania Mirza (@mirzasaniar)

ثانیہ مرزا گزشتہ روز نے سعودی عرب سے انسٹاگرام پر والد عمران مرزا، والدہ نسیمہ مرزا، بہن انعم مرزا اور بہنوئی محمد اسدالدین کی بھی چند تصاویر شیئر کیں اور کیپشن میں عمرہ ادائیگی پر اللہ کا شکر ادا کیا اور لکھا ’الحمداللہ، اللہ ہماری دعائیں قبول فرمائے‘۔

مدینہ منورہ میں ثانیہ نے جس ہوٹل میں قیام کیا ان کی جانب سے بھی بھارتی ٹینس اسٹار کو بھرپور خوش آمدید کیا گیا ہے۔

ثانیہ مرزا کی پوسٹ اور تصاویر پر سوشل میڈیا صارفین سمیت متعدد معروف شخصیات کی جانب سے نیک خواہشات کا ذکر کیا گیا۔