انگلش فٹبال کلبز میں کھلاڑی بدتمیزی اور گالی گلوچ کے ریکارڈ توڑنے لگے

(احمد رضا، سپورٹس ڈیسک) رواں فٹبال سیزن میں ریفریز سے اُلجھنے پر انگلش فٹبال کلبز کے کھلاڑی 13 لاکھ پاؤنڈ جرمانے ادا کر چکے ہیں۔

اس دوران فٹبال پریمیئر لیگ کی ٹاپ 20 ٹیموں میں سے صرف 1 جرمانوں سے بچ سکی جبکہ دیگر 19 ٹیموں کو 1 لاکھ 85 ہزار پاؤنڈ کی ادائیگیاں کرنی پڑیں۔

انگلش فٹبال کلبز کے جوشیلے بھڑکیلے فٹبالر کیسے ضابطوں کو کک آؤٹ کرتے ہیں، خُفیہ تحقیق نے پول کھول دیے۔

English clubs 'have paid a whopping £1.3MILLION this season for referee abuse' https://t.co/8zMAwuYLAl

— MailOnline Sport (@MailSport) March 22, 2023

رپورٹ کے مطابق انگلش فٹبال کی باڈی ’ایف اے‘ نے 100 فاؤلز پر بھاری جرمانے وصول کیے، میچ کے دوران ریڈ کارڈ دکھانے پر کھلاڑی آپ سے باہر ہو کر ریفریز کو گالیاں دیتے ہیں۔

فٹبال کے سخت قوانین کے باوجود کھلاڑی پریمیئر لیگ جیسی معروف لیگز میں ضابطوں کی خلاف ورزیاں کرتے نظر آتے ہیں۔

فٹبال پریمیئر لیگ میں آرسنل کو سب سے زیادہ 1 لاکھ 85 ہزار پاؤنڈ جرمانہ ہوا، سپر اسٹار کرسٹیانو رونالڈو کی سابق  کلب مانچسٹر یونائیٹڈ کو 1 لاکھ 37 ہزار پاؤنڈ ادا کرنا پڑے۔

اسی طرح برائٹن کلب کو اس فہرست میں سب سے کم 15 ہزار پاؤنڈ جرمانہ ہوا جبکہ چار ٹیموں کی طرف سے کی جانے والی ادائیگیوں ابھی تک مکمل نہی ہوسکی ہیں۔