7 آسمانوں یا کائناتوں کا قرآنی نظریہ جدید سائنس نے ثابت کردیا

 (ویب ڈیسک) 7 آسمان کا قرآنی نظریہ جدید سائنس سے درست ثابت ہوگیا۔

ماہرین کا کہنا ہے کہ ایک سے زیادہ کائناتیں ساتھ ساتھ یا ایک دوسرے کے اندر ہونا بالکل ممکن ہے

قرآن پاک کی سورہ البقرہ اور الطلاق میں اللہ تعالی نے 7 آسمانوں یا کائناتوں کا ذکر فرمایا ہے اوراب جدید سائنسی تحقیق سے یہ قول برحق ثابت ہوا ہے۔

امریکی کنساس یونیورسٹی کے سائنسداں ایک سال تک جیمزویب خلائی دوربین کے ذریعے سیکڑوں کہکشائوں کا مطالعہ کرنے کے بعد اس نتیجے پرپہنچے کہ بیشتر کہکشائیں کلاک وائز محو حرکت ہیں جبکہ مروجہ سائنسی نظریہ ہے کہ کائنات میں کلاک وائز اور اینٹی کلاک وائز کہکشاؤں کی تعداد برابرہونی چاہیے۔

اس نئے انکشاف سے ماہرین نے یہ نتیجہ اخذ کیا کہ ہماری کائنات ایک دیوہیکل بلیک ہول کے اندر ہو سکتی ہے کہ صرف اسی میں تمام فلکیاتی اشیاء کلاک وائز گھومتی ہیں،بلیک ہول خود ایک زیادہ بڑے بلیک ہول میں واقع کائنات میں شامل ہے جو ایک بنیادی یا بڑی کائنات کا حصّہ ہے، یوں ایک سے زیادہ کائناتیں ہونے کے نظریہ  قرآن کو سائنس نے بھی ثابت کردیاہے۔

یہ بھی پڑھیں:پاکستان کو آٹھ ماہ کے دوران سب سے زیادہ قرض کس ملک نے دیا؟

ماہرین کا کہنا ہے ایک سے زیادہ کائناتیں ساتھ ساتھ یا ایک دوسرے کے اندر ہونا بالکل ممکن ہے اور وہ اس حوالے سے مزید تحقیق  بھی کررہے ہیں۔