نازش جہانگیرعدالت پیش ہوگئیں،وارنٹ گرفتاری منسوخ
Stay tuned with 24 News HD Android App
(ویب ڈیسک)لاہور کی مقامی عدالت نے مبینہ فراڈ کیس میں اداکارہ نازش جہانگیر کے پیش ہونے پر ان کے ناقابل ضمانت وارنٹ گرفتاری منسوخ کردیئے۔
لاہور کے علاقے کینٹ کچہری کے مجسٹریٹ غلام شبیر سیال نے گزشتہ روز اداکارہ کے ناقابل ضمانت وارنٹ گرفتاری جاری کرتے ہوئے انہیں 22 مارچ کو گرفتار کرکے پیش کرنے کا حکم دیا تھا۔
تاہم اداکارہ نے خود ہی عدالت پیش ہوئیں جس پر عدالت نے ان کے وارنٹ گرفتاری منسوخ کردیے۔
نازش جہانگیر اپنے وکیل بیرسٹر حارث کے ہمراہ عدالت میں پیش ہوئیں جہاں انہوں نے 50 ہزار روپے کے ضمانتی مچلکے جمع کرائے، جس پر عدالت نے ان کے وارنٹ گرفتاری منسوخ کردیے اور آئندہ ماہ 28 اپریل تک کیس کی سماعت ملتوی کردی۔
یہ بھی پڑھیں:رومانوی تعلقات پر ماہرہ شرما اور محمد سراج نے خاموشی توڑ دی
اداکارہ پر الزام ہے کہ انہوں نے اسود ہارون نامی ابھرتے ہوئے اداکار سے فراڈ کرکے پیسے اور گاڑی بٹوری اور واپس نہیں کی۔اس سے قبل لاہور کی سیشن کورٹ نے ستمبر 2024 میں اسی کیس میں نازش جہانگیر کی ضمانت بھی منسوخ کردی تھی۔