پنجاب خیبرپختونخوابارڈر پر خوارجی دہشتگردوں کا حملہ ناکام  بنا دیا گیا

(اقبال صادق)پنجاب خیبرپختونخوا بارڈر پر خوارجی دہشتگردوں کا رواں ماہ کا ساتواں حملہ ناکام بنا دیا گیا۔

سرحدی علاقوں میں پولیس، سی ٹی ڈی اور ایلیٹ ٹیمیں پٹرول اور سرچنگ آپریشن پر مامور تھیں،کوٹ مبارک کے قریب خوارجی دہشتگردوں کی موجودگی کی اطلاع پر پولیس ٹیموں نے ایڈوانس کیا،کوٹ مبارک کے قریب گھات لگائے دہشتگردوں نے پولیس ٹیموں پر آئی سی ڈی (IED) سے حملہ کیا۔

ترجمان پنجاب پولیس کے مطابق حملے میں بکتر بند گاڑی کو معمولی نقصان پہنچا، تمام جوان الحمدللہ محفوظ رہے، گھات لگائے دہشتگردوں سے پولیس ٹیموں کا شدید فائرنگ کا تبادلہ ہوا،جوانوں کی فوری اور بھرپور جوابی فائرنگ سے خوارجی دہشت گرد پسپا ہوگئے۔

یہ بھی پڑھیں:سابق رکن اسمبلی کا اپنے ڈرائیور پر وحشیانہ تشدد،بڑی گرفتاری عمل میں آ گئی

ڈی پی او سید علی کی زیر کمانڈ کیو آر ٹیمیں فوری موقع پر پہنچیں،علاقے کا مکمل گھیراؤ کر کے پولیس ٹیموں کا سرچ آپریشن جاری ہے۔

ڈی پی او سید علی کاکہنا ہے کہ سرحدی علاقے میں سکیورٹی اقدامات کو مزید سخت کر دیا گیا ہے۔

آر پی او کیپٹن (ر) سجاد حسن خان کا کہناتھا کہ پنجاب پولیس خوارجی دہشت گردوں کے ناپاک عزائم خاک میں ملانے کیلئے پرعزم ہے، تمام وسائل بروئے کار لاکر اپنے شہریوں کا تحفظ کریں گے۔ 

آئی جی پنجاب نے دہشتگردوں سے مردانہ وار مقابلہ کرنے والے جوانوں کو خراج تحسین کیا، ڈاکٹر عثمان  انور نے کہاکہ دہشتگردوں کو ہر محاذ پر شکست دیں گے، پنجاب پولیس ہر قیمت پر عوام کے جان و مال کا تحفظ یقینی بنائے گی۔

یہ بھی پڑھیں:سوری!تنخواہ دار طبقے کو ریلیف نہیں دے سکتے ,حکومت نے ہاتھ کھڑے کر دیئے