ملک کے بیشتر علاقوں میں موسم خشک رہنے کی پیش گوئی

(روزینہ علی)محکمہ موسمیات نے ملک کے بیشتر علاقوں میں موسم خشک رہنے جبکہ خیبرپختونخوا، کشمیر اور گلگت بلتستان میں مطلع جزوی ابرآلود رہنے کی پیش گوئی کردی۔

رپورٹ کے مطابق اتوار کے روز وفاقی دارالحکومت اسلام آباد اور گردونواح میں موسم خشک جبکہ دن کے اوقات میں گرم رہنے کا امکان ہے۔

خیبرپختونخوا کے بیشترعلاقوں میں موسم خشک جبکہ بالا ئی اضلاع میں شام/رات کے اوقات میں مطلع جزوی ابر آلود رہنے کی توقع ہے۔

پنجاب کے بیشتر اضلاع میں موسم خشک جبکہ دن کے دوران گرم رہنے کا امکان ہے ۔ مری،گلیات اور گردونوا ح میں موسم خشک رہنے کی توقع ہے۔

بلوچستان کے بیشتر اضلاع میں موسم خشک جبکہ جنوبی اضلاع میں دن کے اوقات میں گرم رہنے کا امکان ہے۔

سندھ کے بیشتر اضلاع میں موسم گرم اور خشک رہنے کا امکان ہے۔

کشمیر اور گلگت بلتستان میں موسم خشک جبکہ شام/رات کے اوقات میں مطلع جزوی ابر آلود رہنے کی توقع ہے۔

آج کم سےکم درجہ حرارت لہہ منفی07، استور ، اسکردومنفی 01اورزیارت میں 00ڈگری سینٹی گریڈ ریکارڈ کیا گیا ۔

یہ بھی پڑھیں:وینڈنگ مشین پر غلط بٹن دبانے سے شہری 50 ہزار ڈالرز جیت گیا