انٹرنیٹ پر دوستی ،امریکی ڈاکٹر درزی سے شادی کیلئے گوجرانوالہ پہنچ گئی

(ویب ڈیسک)سوشل میڈیا پر ہونے والی  دوستی رشتے میں بدل گئی، امریکی ڈاکٹر پاکستانی درزی سے شادی کے لئے گوجرانوالہ پہنچ گئی۔
تفصیلات کے مطابق میگ نامی خاتون امریکی شہر شکاگو کے سرکاری اسپتال میں بطور گائناکالوجسٹ ملازمت کرتی ہیں ان کی دوستی انٹرنیٹ پر صوبہ پنجاب کے شہر گوجرانوالہ سے تعلق رکھنے والے درزی محبوب علی ہوئی ۔امریکی خاتون محبوب علی سے شادی کرنے کیلئے گوجرانوالہ پہنچ گئی ۔ امریکی ڈاکٹر میگ نے اسلامی تعلیمات سے متاثر ہوکر اسلام قبول کیا جنہوں نے اپنا نام تبدیل کرکے ہانیہ رکھ لیا ۔اس موقع پر دلہن کا کہناتھا کہ پاکستانی پیار کرنے والے اور زندہ دل لوگ ہیں، اپنے سسرالی رشتہ داروں سے مل کر بہت خوش ہوئی، سب بہت ہی پیارے لوگ ہیں۔
یہ بھی پڑھیں:لوڈ شیڈنگ ۔۔دلہنیں غلط دلہوں سے شادی کربیٹھیں