’پاکستان میں سگریٹ کی غیر قانونی تجارت کل تجارت کا 23.1 فیصد ہے‘

(ویب ڈیسک)ڈبلیو ایچ اوہ نے سگریٹ کی غیر قانونی تجارت کے حوالے سے ملٹی نیشنل تمباکو کمپنیوں کے دعووں کی تردید کرتے ہوئے انکشاف کیا ہے کہ پاکستان میں سگریٹ کی غیر قانونی تجارت کل تجارت کا 23.1 فیصد ہے۔
ڈبلیو ایچ اوہ نے اپنی حالیہ ایک تحقیق جس کا عنوان "پاکستان میں سگریٹ کی غیر قانونی تجارت کے واقعات پر اسلام آباد کیپٹل ٹیریٹری کے لیے ایک کیس اسٹڈی " ہے میں کہا  ہے کہ مجموعی طور پر جعلی ٹیکس سٹیمپ والے پیکوں کی تعداد 1.9 فیصد ہے، اور اسمگل شدہ سگریٹ کل کھپت کا 10.7 فیصد ہیں۔
صحت کے عالمی ادارے کی تازہ ترین رپورٹ نے ٹیکسوں سے بچنے کے لیے ملٹی نیشنل تمباکو کمپنیوں کی جانب سے استعمال کی جانے والی خرافات اور ہتھکنڈوں کو مسترد کر دیا ہے۔ماضی میں پاکستان میں غیر قانونی تجارت کے حجم پر کئی مطالعات ہوئے تھے لیکن وہ ملک میں ٹریک اینڈ ٹریس سسٹم کے نفاذ سے پہلے کیے گئے تھے (جولائی 2022)۔ ڈبلیو ایچ او کے مطابق، ان مطالعات سے پتہ چلا کہ پاکستان میں سگریٹ کی غیر قانونی تجارت 9 سے 17 فیصد تک ہے لیکن انہوں نے جعلی معاملے کی حد کا اندازہ نہیں لگایا۔رپورٹ میں پاکستان بیورو آف سٹیٹسٹکس (پی بی ایس) کے اعداد و شمار کا حوالہ دیا گیا اور کہا گیا کہ 2015-16 میں مقامی طور پر تیار کردہ سگریٹ پر ٹیکس چوری 53.8 ارب روپے تھی۔ شعبے  کیا جانب سے نے پیداوار کو کم رپورٹ کرکے 38.9 ارب (72.7%)  روپے  بچایا۔ جبکہ 14.6 ارب (27.3٪) ٹیکس چوری سے بچایا گیا۔

تمباکو مخالف کارکنان حکومت پر دباؤ ڈال رہے ہیں کہ وہ تمباکو کے ٹیکس کو خوردہ قیمت کے 70 فیصد تک بڑھا دے، کمپین فار ٹوبیکو فری کڈزکے کنٹری ہیڈ  ملک عمران احمدنے کہا "60% سے زیادہ آبادی نوجوانوں پر مشتمل ہے، حکومت کے لیے یہ ضروری ہے کہ وہ تمباکو کے استعمال کی برائیوں سے بچائے،" انہوں نے کہا، "کیونکہ اس اقدام سے سال کے آخر تک 200 بلین روپے سے تجاوز کرتے ہوئے اضافی ریونیو پیدا ہونے کی توقع ہے۔"