ہمایوں سعید نے "بے اولادی" ہونےکی وجہ بتادی

(ویب ڈیسک)ڈراما سیریل جینٹلمین میں اداکارہ یمنیٰ زیدی کے ہمراہ جلوہ گر ہونے والے پاکستانی ورسٹائل اداکار ہمایوں سعید نے پہلی بار اولاد سے محرومی پر لب کشائی کردی۔

ہمایوں سعید ان دنوں ڈراما ’جینٹلمین’ کے پروموشن ایونٹ میں مصروف دکھائی دے رہے ہیں جبکہ ڈراما کی دو اقساط نشر کی جاچکی ہیں جنہیں ڈراما شائقین خوب پسند کر رہے ہیں۔

  ہمایوں سعید نے ثمینہ ہمایوں سے پسند کی شادی کی ہے لیکن اس جوڑے کے کوئی بچے نہیں ہیں،حال ہی میں یوٹیوب چینل کے ایک وائرل انٹرویو میں ہمایوں سعید نے بچے نہ ہونے کی وجہ بتا ئی،ہمایوں سعید نے کہا کہ کچھ مسائل کی وجہ سے ہمارے بچے نہیں ہیں، یہ اللہ کی طرف سے ہے کہ ہمارے بچے نہیں ہیں، لیکن میں اپنے آس پاس کے تمام بچوں سے پیار کرتا ہوں۔

انہوں نے مزید کہا کہ وہ اب اسکینڈلز کا حصہ بننا پسند نہیں کرتے، کیونکہ اس سے ان کے خاندان پر اثر پڑتا ہے اور وہ اپنے خاندان سے محبت کرتے ہیں۔

 ان کا کہنا تھا کہ پہلے اسکینڈلز مجھے پریشان نہیں کرتے تھے، لیکن سوشل میڈیا کی آمد کے بعد باتیں تیزی سے پھیلنے لگتی ہیں اور لوگ ہر قسم کی باتوں کو اہمیت دینے لگتے ہیں، یہ جانے بغیر کہ یہ سچ ہے یا جھوٹ,اس لیے اب مجھے اس کی پرواہ ہے،پہلے لوگ عائشہ خان، مشی خان اور دیگر کے ساتھ میری جعلی شادیوں جیسے اسکینڈلز پر یقین کرتے تھے، لیکن حقیقت یہ ہے کہ میں نے صرف ایک شادی کی ہے اور وہ ثمینہ سے ہے۔

یہ بھی پڑھیں:نائیجیرین خاتون کا ہاتھ سے بنی چوڑی ترین وگ کا ریکارڈقائم

بالی ووڈ کے بارے میں انہوں نے کہا کہ مجھے بالی ووڈ سے ابھی تک کوئی خاص آفر نہیں ہوئی ہے، ایک مرتبہ عامر خان نے مجھے اپنی فلم ”گنجنی“ کے لیے ایک کردار آفر کیا تھا اور میں وہاں گیا بھی تھا مگر پھر عامر خان نے مجھ سے کہا کہ یہ رول میرے لیے منا سب نہیں ہے اور مجھے بھی ایسا ہی لگا، اس لیے میں واپس آگیا۔ ویسے بھی مجھے اپنی فلم انڈسٹری میں کام کرنا پسند ہے اور میں اسے ترقی کرتا دیکھنا چاہتا تھا۔ آج جب اچھی فلمیں بن رہی ہیں اور دنیا کے دیگر ممالک میں دیکھی جا رہی یں ،تو مجھے اپنا کیریئر بنانے کے لیے کسی اور طرف دیکھنے کی ضرورت نہیں ہے۔