انٹرپول کی مدد سے قتل کا اشتہاری ملزم دبئی سے گرفتار

 ( سیدتنویرنقوی ) کھاریاں میں تھانہ ڈنگہ پولیس نے دوہرے قتل میں مطلوب اشتہاری مجرم  کو انٹرپول کی مدد سے دبئی سے گرفتار کرلیا ۔

تفصیلات کے مطابق کھاریاں کےتھانہ ڈنگہ پولیس نے دوہرے قتل میں مطلوب ملزم کو حراست میں لے لیا ہے، ملزم نے  گزشتہ سال پرانی دشمنی پر بھلوٹ گجو کے رہائشی باپ بیٹے کو فائرنگ کرکے قتل کیا تھا، پولیس نے مقدمہ درج کر کے ملزمان کی گرفتاری کیلئے چھاپہ مار ٹیمیں تشکیل دے کر ملزمان کی تلاش شروع کی تھی۔

مقدمے میں نامزد ایک ملزم فاروق عرف عامر ولد صفدر سکنہ گجو بیرون ملک فرار ہو گیا تھاجس کو ایس ایچ تھانہ ڈنگہ انسپکٹر مجاہد عباس نے ٹریس کرکے انٹرپول کے ذریعے  دبئی سے گرفتار کرلیا ، پولیس نےگرفتار ملزم سے مزید تفتیش شروع کردی گئی ہے۔

دوسری جانب ڈی پی او گجرات مستنصر عطاء تارڑ  کا کہنا ہے کہ سنگین جرائم کرکے بیرون ممالک فرار ہونے والےاشتہاری مجرمان کو قانون کے کٹہرے میں لایا جائے گا۔

یہ بھی پڑھیں: پولیس کا حماد اظہر کی گرفتاری کیلئے پی ٹی آئی سیکرٹریٹ چھاپہ